影片
更多
2019-12-27
1116 浏览
初初谂住，虽然话圣诞要食火鸡，但火鸡不嬲都“鞋”㗎嘛，不抱期望当应节，殊不知呢度嘅火鸡系好滑同好香！！加埋佢配嘅红莓果酱，追住食！蓝青口同牛脷又好味㖞，个蓝青口口感好似豆腐咁滑咁㗎！！一啲渣都冇，好滑溜溜，忌廉汤又好饮，未食主菜都已经饱。圣诞餐包埋饮品，重冇加一，我呢啲酒鬼聴到都兴奋。除红、白酒任饮（唔系垃圾红酒呀）！重包气泡酒同有气红酒，两只都好饮，系咁同你添，店员有时太忙，直头成支放低大家 happy，真系好好人！！好开心呀！！又风趣㖞，氹得人鬼咁开心。汤方面呢，有个传统嘅基辅罗宋汤，辣㗎㖞，同饮开嘅罗宋汤好唔同，好浓味，都好饮嘅，但听朋友讲，佢嘅意大利蒜香汤同蚝汤重正！到主菜嘞。主菜有5款选择，一人一款大家 share 啦。有鹿、牛肩肉、法国猪五花，苏格兰三文鱼同法国芝士火锅。个鹿望上去好生但冇血水，食落个味唔知点形容，但一致都觉得系好食嘅，聴闻重话好补添，哈哈～下次都会再食。牛都唔错，烧得外脆内嫩够牛味。猪就好香，用苹果白酒香草一齐烧，正㗎不过始终系五花腩，如自己一个人食一份就腻咗啲。鱼最惊喜，三～四成熟到，聴店员讲，呢只苏格兰三文鱼其实系刺生最正，完全 feel 到啲 ome
到主菜嘞。主菜有5款选择，一人一款大家 share 啦。有鹿、牛肩肉、法国猪五花，苏格兰三文鱼同法国芝士火锅。个鹿望上去好生但冇血水，食落个味唔知点形容，但一致都觉得系好食嘅，聴闻重话好补添，哈哈～下次都会再食。牛都唔错，烧得外脆内嫩够牛味。猪就好香，用苹果白酒香草一齐烧，正㗎不过始终系五花腩，如自己一个人食一份就腻咗啲。鱼最惊喜，三～四成熟到，聴店员讲，呢只苏格兰三文鱼其实系刺生最正，完全 feel 到啲 omega 3 喺口浪浪吓，啲肉鱼重弹吓弹吓，正到冇朋友，当今世上最正嘅刺生，就系苏格兰三文鱼，但食过之后，你就唔会再食出面嘅三文鱼，一个天一个地咁话，搅到我都劲想食。咁熟熟地咁点㗎呢？哗～未食过咁正嘅熟三文鱼，好滑，佢中间都重系生生哋嘅，感受到店员话𠮶种弹弹吓，鱼油好劲，omega 3 呀😍至于芝士火锅呢🧀呢度系法国芝士火锅嚟，用咗5种芝士同白酒去煮，原来法国芝士火锅同瑞士芝士火锅系唔同㗎㖞，瑞士嘅会稀身同淡味啲，呢度系浓而有拉丝效果，个芝士好食！芝士控必定要嚟朝圣啦。店员都好老实，拣主菜时都有提平时嚟食芝士火锅只系$380起，今晚系食 feel啰🎄😝
甜品今晚有捷克蜂蜜蛋糕、辣椒朱古力蛋糕、蓝莓芝士蛋糕、纽约芝士蛋糕同云石芝士蛋糕捷克蜂蜜蛋糕小食多滋味，食多就觉得愈食愈甜，如衬埋咖啡就啱啱好。辣椒朱古力好食呀，初时唔知以为朱古力蛋糕，呑咗先至辣，好过瘾。期待再嚟食佢餐牌上嘅嘢！
圣诞火鸡
28 浏览
0 赞好
0 留言
圣诞火鸡
41 浏览
1 赞好
0 留言
圣诞火鸡
30 浏览
0 赞好
0 留言
美国ＦＬＡＴ ＩＲＯＮ
24 浏览
0 赞好
0 留言
苏格兰三文鱼
16 浏览
0 赞好
0 留言
英国鹿架
44 浏览
0 赞好
0 留言
题外话/补充资料：
好多朋友都介绍过呢度，话呢度啲嘢好好食同特别，老板对食材同煮法系绝对坚持，对食嘅智识更系丰富，样样都有故仔讲，喺度食饭令人有ＶＶＩＰ嘅感觉，因老板一同你啱嘴形，就会攞埋私伙靓酒，慢慢教埋你点分点饮，今次我哋有私伙威士忌呀！！哈哈～不过如遇著爆场，上菜都等得犀利，所今次就同朋友一齐喺 Boxing Day 嚟食圣诞大餐，好彩咋，２４同２５爆晒。
(以上食记乃用户个人意见 , 并不代表OpenRice之观点。)
张贴
