韓讚 (已結業)

今日同朋友去左铜锣湾维园行花展，行完就去附近觅食，去左渣甸街食韩国野，叫韩赞，朋友话好肚饿，所以拣左食放题，成人$238，但今日星期六每人要加$20，韩国饮品任饮，食品即叫即整。饮品自取，我饮左石榴汁、朋友饮芒果汁。食物先叫左韩风牛仔骨、辣酱炒年糕、柚子鸡翼同人参鸡汤。食物真系超快到，店店都新鲜热辣，值得一赞。炒年糕味道浓又有少少辣、牛仔骨就偏咸、鸡翼炸得好脆里面充满肉汁，味道淡淡的加上柚子酱刚刚好、人参鸡汤竟然有半只鸡，里面有少少饭，汤都好味。第二轮叫左明洞炒杂菜、韩式炒粉丝、同韩式冷面。份量都好多，都食唔到几多就饱了。炒杂菜有西兰花、菇、椒，都好味；炒粉丝系我食韩国菜必点，炒得干身好味；冷面个样都几吸引，不马虎。最后叫了甜品，绿茶雪糕窝夫同士多啤梨雪糕窝夫。窝夫超脆，士多啤梨雪糕里面好多士多啤梨冰，酸酸甜甜好好味。