龍門冰室 (已結業)

入左一间红磡既冰室食饭。吸引之处：1. 冰室入边有好多漫威既英雄。我谂店主系一个漫威迷。系餐厅摆出黎，觉得都几型。2. 星级杂扒。平时食开美式杂扒，今次上升级。特别多海鲜，而且份量系超大。铁板扒上黎既时候，好似成座山。烟三文鱼好新鲜，带子炸得好食。薯条因为铁板烧一烧，外边一层特别干脆，入边松化，口感好。3. 牛扒大份。煎得靓，味道新鲜又甜。黑椒汁好惹味。鸡扒都煎得好香。多水份。仲有好多汁既肠仔。呢个肠仔好真材实料，睇落好似好普通，但味道好好。4. 鲜茄猪扒意粉。好大旧猪扒。芝士又够多。成个意粉好香。甜又新鲜既蕃茄，食左好多都咁开胃。好好食既意粉。5. 椒盐鸡翼。鸡翼香得黎又有轻微既咸味。啱啱整出黎既鸡翼好热，味道好。鸡翼水份多，劲爽口既小食。6. 黑松露芝士西兰花。超多芝士，西兰花吸晒芝士同黑松露精华，味道好浓郁。新兰花新鲜，爽口，好食。7. 饮杯热柠蜜同菠萝冰。好清新又养生。整体黎讲，好多野食同好好味既冰室。出餐快，价钱平，味道好。