紅花會 (已搬遷) 新店位置

湾仔出名多高质素美食聚集嘅地方，今次去左食川菜馆。呢个大厦应该系新起既感觉好新，坐lift上到去一开门见到又红又绿嘅装修好得意，完全冇𠮶种好光猛好嘈好中式川菜馆嘅感觉，一看就系走中高价路线。我叫左冷盘香油莴笋丝，菊花鱼米羹，茶熏樟茶鸭，当然仲有川菜必食-酸菜沙巴鱼。冷盘香油莴笋丝清清地都几开胃不过唔太特别，鱼米羹料足味道中规中距。本来林住呢间餐馆食物一般但最后主菜系惊喜，两个招牌菜-樟茶鸭同酸菜鱼。鸭食得出有茶熏而且皮脆肉嫩，本身对鸭一般既我居然一一嚿嚿食吾停口。川菜既酸菜鱼个酸菜汤味道同材料好足，沙巴鱼吾多骨好嫩，虽然四百几蚊比出边嘅川菜馆贵但食得出呢个系一分钱一分货嘅材料同味道。沙巴鱼份量足酸汤味道够酸，而且酸菜好多食得出唔系平个种酸菜。食材同环境都好好不过果晚厨房好繁忙而且冇闩门所以成日听到厨房讲嘢声，如果冇咗嘈杂声会系非常好嘅一餐。感觉上佢哋着重美食同环境装修多于服务质素。