影片
更多
2018-12-06
1239 浏览
經過銅鑼灣，見到呢間十字冰室，先知道原來平時飲開既十字鮮奶有開冰室架❗️我真係孤陋寡聞啦，所以緊係要入去食個飯先得🙈望一望個menu, 有好多特式款呀❗️例如有火腿爆蛋菠蘿包，籠仔XO 醬炒腸粉，Nutella 朱古力榛子醬厚多士等等，真係樣樣都想食，選擇困難症又黎了🤣 常餐包飲品 $58✅十字牛奶豬骨湯意粉✅香煎豬扒，牛奶炒滑蛋，牛油多士大大塊豬扒厚身又實肉，入口金香酥脆，外酥內嫩，而加左十字牛奶既豬骨湯，令整碗湯味道提升不少，豬骨湯更幼滑更帶點奶香。加入十字牌鮮奶既炒滑蛋，入口滑溜甜香，蛋汁飽滿，啖啖都係蛋香同奶香，大滿足🙆🏻♀️牛油多士雖然吾係厚身但咁樣反而烘得更輕脆鬆軟，入口香脆又有牛油香。重點係吾洗加錢就可以食到烘底啦🙈熱奶茶用鮮奶沖既奶茶果然更香更滑，茶味均勻，吾會苦澀👍 五香肉丁香蔥炒飯 $58五香肉丁炒飯真係一碟最簡單但又最好味既炒飯🙆🏻♀️但往往看似簡單既炒飯，要真係炒得出色又係最難。加入蛋汁同五香肉丁既炒飯，粒粒飯都沾上蛋液，粒粒金黃色，啖啖都有五香肉丁香，好惹味。最重要係，炒飯吾多油，呢點最值得讚賞❗️籠仔椒鹽燒賣 $38將燒賣炸至金黃色，再淋上辣椒豉油，最後再灑上椒鹽
望一望個menu, 有好多特式款呀❗️例如有火腿爆蛋菠蘿包，籠仔XO 醬炒腸粉，Nutella 朱古力榛子醬厚多士等等，真係樣樣都想食，選擇困難症又黎了🤣
常餐包飲品 $58
✅十字牛奶豬骨湯意粉
✅香煎豬扒，牛奶炒滑蛋，牛油多士
大大塊豬扒厚身又實肉，入口金香酥脆，外酥內嫩，而加左十字牛奶既豬骨湯，令整碗湯味道提升不少，豬骨湯更幼滑更帶點奶香。
加入十字牌鮮奶既炒滑蛋，入口滑溜甜香，蛋汁飽滿，啖啖都係蛋香同奶香，大滿足🙆🏻♀️
牛油多士雖然吾係厚身但咁樣反而烘得更輕脆鬆軟，入口香脆又有牛油香。重點係吾洗加錢就可以食到烘底啦🙈
熱奶茶
用鮮奶沖既奶茶果然更香更滑，茶味均勻，吾會苦澀👍
五香肉丁香蔥炒飯 $58
五香肉丁炒飯真係一碟最簡單但又最好味既炒飯🙆🏻♀️但往往看似簡單既炒飯，要真係炒得出色又係最難。加入蛋汁同五香肉丁既炒飯，粒粒飯都沾上蛋液，粒粒金黃色，啖啖都有五香肉丁香，好惹味。最重要係，炒飯吾多油，呢點最值得讚賞❗️
籠仔椒鹽燒賣 $38
將燒賣炸至金黃色，再淋上辣椒豉油，最後再灑上椒鹽，外脆內軟又帶點微辣。味道比普通椒鹽燒賣更勝一籌😍
黑松露黃金蝦 $58
沾上薄薄炸粉再炸至黃金色，外脆內嫩，上面淋上既咸蛋黃醬，令味道更加提升，啖啖蛋黃金沙，而黑松露更有畫龍點睛之效👍🏻
三色炸鮮奶 $32
第一次食炸鮮奶，感覺都幾特別🙈外面香脆內裡軟綿，好似緊啫哩但又帶點香脆，鮮奶味香濃👍
十字燉奶 $25
果然係招牌甜品👍由於用左十字牌純鮮奶去燉，比出面普通燉奶更香更滑，奶味更齒頰留香😍
十字冰室同平時食開既冰室真係好吾一樣，款式好特別，亦好好味，所有菜式含奶類既都係用自家既十字牛奶製成，真係一間好有特式既冰室以後要係想食冰室，呢間就作為我既首選啦
张贴
