貓啡

营业中

休息中

今日同小朋友特意嚟呢间猫猫cafe揾猫猫玩放松下，因为知道佢地系会收养流浪猫猫嘅Cafe， 觉得别具意义。呢个环境用上木系风格同埋绿色作装修，觉得几舒服休闲。呢度都有成五六只猫猫又有唔同性格，同每只猫猫玩下都几治愈，摸住佢哋毛茸茸嘅背同头，够晒得意。场内有注意事项，提提大家点样同猫猫友好相处👍当日见到佢有特别推介嘅窝夫，可以拣朱古力或者焦糖口味，我哋就拣咗焦糖口味试下。食落好味道，暖笠笠，貌相吸引，外皮又够松脆，窝夫蛋香味浓!仲点咗朱古力蛋糕，朱古力味浓郁，蛋糕食落湿润唔干身，yummy! 饮品方便就拣咗杯flat white同埋凤梨西梅柑桔柠檬茶。叹住甜点同饮品，一边同咁可爱嘅猫猫互动，实在写意！