霸嗎拉麵 (屯門市廣場1期)

营业中

休息中

天气闷热，又落雨又有阳光，反覆无常。连食嘅心情都冇，所以转转口味食碗拉面做晚餐，脑海首先谂起屯门“霸吗拉面”，因为佢哋出名汤浓而面爽滑弹牙；所以去到，我就点咗个招牌拉面，即浓厚猪骨豚肉玉子拉面，而朋友就点咗个石锅烧豚海老饭，再加个辛辣味嘅饺子和两杯饮品。拉面嚟到真系同张相一样，如果玉子可以帮我切开一半就更加理想呀！首先饮两啖浓厚嘅猪骨汤，真系成个人都醒晒，胃口都开晒，食落啲面一如既往爽口弹牙；豚肉入口即溶，玉子系半熟蛋当然美味无穷啦；而石锅饭竟然有脆脆嘅饭焦，再加埋煮到刚刚好嘅豚肉同埋少少嘅虾肉，一口食落去好有层次感，如果再多啲汁嘅话呢，就变得完美啦；饺子嘅肉有肉汁表面亦都煎得脆脆，再加上上面嘅辛辣酱，果然系相当之辣！食落十分之唔错！至于和梨梳打酒和菠萝酒加冰之后，特别清爽；真系消暑解热，为呢个晚餐增添乐趣！