影片
营业时间
今日营业
11:30 - 22:30
星期一至四
11:30 - 22:00
星期五至六
11:30 - 22:30
星期日
11:30 - 22:00
公众假期
11:30 - 22:30
以上资料只供参考，请与餐厅确认详情
有关奖赏计划
好耐冇食霸吗拉面，见佢出左新嘅期间限定拉面，决定试吓。鸭肉葱拉面 $118鸭肉有6-8块，份量十足，包你每食一啖面都配到1块鸭肉，而且口感嫩滑，好足鸭味，钟意食鸭嘅一定要试吓。另外值得一赞嘅系个汤底，味道浓郁但唔会过于油腻。面底亦唔会太淋，配搭埋大葱一齐食一流。炙烧豚肉拉面 $90霸吗常驻拉面，旧豚肉厚过我个面皮，炙烧到外焦内嫩，充满罪恶感。汤底方面会比起鸭肉葱拉面稍微浓厚，但依然保持到平衡。面底都系差唔多，同笋干一齐食令口感丰富唔少。照烧饺子 $38之前几次食都未食过照烧饺子，今次终于试咗，发现有惊喜。饺子外皮脆，内馅丰富多汁，配搭埋照烧酱嘅甜味，仲有少少芝麻，令到每一啖都包含住唔同嘅味道层次。信州苹果梳打 $28平时去亲日本旅行都会饮呢只梳打，宜家唔洗去日本，去霸吗拉面都饮到，钟意食日本苹果都会知道信州啲苹果有几好食，呢枝梳打保留到苹果嘅甜味之余加埋碳酸嘅爽感，夏天饮真系一流。可乐 $15经典口味可口可乐，味道相信唔使我多做介绍，如果你咁都未饮过，一系你就古代穿越过嚟，一系你就系外星人。霸吗拉面 (屯门)屯门屯顺街1号屯门市广场1期3楼3233号舖
继续阅读
霸吗拉面 Bari-Uma 于 2003 年日本🗾 广岛创立1️⃣ 以「最强浓厚豚骨顶级汤底」2️⃣ 自家制拉面 Homemade Ramen3️⃣ 炙烧厚切叉烧 驰名于日本｜成为近20年新生代拉面连锁店.📚📖 「Bari」为广岛方言｜有「极之」意思而「Uma」则来自日语「Umai」｜ 意为「美味」因此Bari-Uma有「极之美味拉面」的意思因应港人注重健康需求｜香港分店可让顾客选择「少油」‼️.🕵🏻♂️ 简单食个午餐就知咩料 🕵🏻♂️.🔸期间限定🔸 🍜 鸭•葱拉面 🍜𝔻𝕦𝕔𝕜 𝕊𝕙𝕠𝕪𝕦 ℝ𝕒𝕞𝕖𝕟 𝕨𝕚𝕥𝕙 𝔻𝕦𝕔𝕜 𝔹𝕣𝕖𝕒𝕤𝕥, 𝕊𝕔𝕒𝕝𝕝𝕚𝕠𝕟, 𝕒𝕟𝕕 𝔾𝕣𝕚𝕝𝕝𝕖𝕕 𝕃𝕖𝕖𝕜▫️▫️▫️▫️▫️▫️采用原只米鸭｜配合新鲜蔬菜花6️⃣小时熬制｜浓鸭高汤 汤底清甜香浓自家制拉面 🍜 配上酸梅粉 慢煮鸭胸🤍 我大like 灼烧大葱口感 同大量细香葱 🤍鸭胸肉排成一列｜油脂感同厚鸭肉就系正🔸鸡叉烧味玉鸡白汤拉面𝕋𝕠𝕣𝕚 ℙ𝕒𝕚𝕥𝕒𝕟 ℝ𝕒𝕞𝕖𝕟 𝕨𝕚𝕥𝕙 ℂ𝕙𝕚𝕔𝕜𝕖𝕟 ℂ𝕙𝕒𝕤𝕙𝕦 & 𝔼𝕘𝕘▫️▫️▫️▫️▫️采用自家炙烧厚切叉烧技术｜配上鸡猪骨浓白汤底再加上渗透浓汤底味玉｜份量与味道都值得一试.🔸沙拉唐扬炸鸡｜5️⃣件ℂ𝕙𝕚𝕔𝕜𝕖𝕟 𝕂𝕒𝕣𝕒𝕒𝕘𝕖 𝕨𝕚𝕥𝕙 𝕄𝕒𝕧𝕠𝕟𝕟𝕒𝕚𝕤𝕖 𝟝𝕡𝕔𝕤▫️▫️▫️▫️▫️即点就新鲜即炸｜薄身炸粉 夹上香脆通透无多余粉浆｜而且多汁鸡肉 连丝丝油脂.🔸羽根饺子｜5️⃣件ℙ𝕒𝕟-𝕗𝕣𝕚𝕖𝕕 𝔾𝕪𝕠𝕫𝕒 𝟝 𝕡𝕔𝕤▫️▫️▫️▫️▫️▫️鸡肉馅料饺子｜只要煎饺时加入太白粉饺子会附上一层脆皮｜睇嚟似翅膀羽毛🪶热腾腾既煎饺黄金底部｜ 完全正宗日本风味👍🏻.
继续阅读
【屯门市中心高质拉面店🍜 霸吗拉面】-豚骨叉烧拉面就食得多🤩鸭胸拉面大家又有冇试过？🍜今日经过屯市嘅霸吗拉面见到佢新推出嘅『鸭葱·拉面 』😚即刻入去食返碗！-😋鸭葱·拉面🍜$118拉面卖相好吸引😻京葱同鸭胸经过炙烧😳香味扑鼻～鸭胸肉质紧致，表层用咗苹果蓉调味😍食落带点酸甜味😜几特别！个汤底好浓郁嘅葱香🥳钟意食葱嘅朋友包你会爱上！好味指数：🌕🌕🌕🌕🌗-😋鸡叉烧味玉鸡白汤拉面$95呢款有鸡叉烧、糖心蛋同埋云耳🤩佢嘅糖心蛋个流心超正想再加多粒❤️🔥鸡叉烧啖啖肉好过瘾😍个鸡白汤浓而不腻🤭good! 另一样值得一赞嘅就系可以自己拣拉面嘅软硬度（小编钟意食硬身嘅面👏🏻佢又真系做到俾我🫶🏻真系要俾个like佢👍🏻好味指数：🌕🌕🌕🌕🌘-😋唐扬炸鸡🍗$18跟餐加$18会有两件炸鸡🥳炸鸡炸到金黄香脆，鸡肉腌得好入味，食落嫩滑充满肉汁，非常高质🤩好味指数：🌕🌕🌕🌕🌗-😋元祖弹珠汽水🥤$20😋麒麟一番榨🍻$24-📍 霸吗拉面屯门：屯顺街1号屯门市广场1期3楼3233号舖中环：兰桂坊德己立街22号地舖尖沙咀：金巴利道26号地舖赤𫚭角：畅达路1号香港国际机场机场一号客运大楼 (禁区)东大堂7楼7E162号舖💸人均消费：$145
继续阅读
餐厅有室内同室外嘅位置，座位都算多，环境阔落，坐得舒服。鸭.葱拉面呢款拉面系期间限定，当然要试吓。呢碗拉面好吸引，中间一排嘅鸭胸，份量都几多，鸭胸经过慢煮，保持肉质嘅鲜嫩，同埋入面加咗大量嘅葱，好香。个汤底好鲜味，拉面配埋个汤同埋葱一齐食，好味。炙烧豚肉味玉拉面呢碗拉面入面嘅炙烧豚肉劲厚切，亦烧得好香，豚肉软腍，咬落去啖啖肉，好食入面仲有只温泉蛋，火喉控制得啱啱好，佢个汤底好浓郁。羽根饺子呢个羽根饺子有惊喜，佢个皮比想像中透薄，口感好好，入面嘅馅料都好新鲜。饮品叫咗静冈蜜瓜梳打，好浓嘅蜜瓜味，好饮。另外，青森县富士苹果酒有淡淡嘅苹果味，好清爽。
继续阅读
肥仔今日去市中心揾食，有机会品尝霸吗拉面嘅几款经典菜式，包括鸭•葱拉面、特盛炙烧豚肉拉面、唐扬炸鸡（5件）以及羽根饺子（5件），预好正！🍜鸭•葱拉面 呢款期间限定拉面好有新意，汤底用优质米鸭同高汤熬煮六小时，鸭香浓郁又唔油腻，特别加咗酸梅粉，带出一啲酸甜味，口感层次丰富。鸭胸嫩滑，表层微焦嘅炙烧香气同京葱、葱花完美配搭，清新同浓香平衡，食落回味无穷。面条弹牙有嚼劲，吸满汤汁！🍜特盛炙烧豚肉拉面 呢道系霸吗嘅招牌，特盛版真系肉迷嘅天堂！豚骨汤底浓香，经过长时间熬制，味道深厚又唔腻。炙烧豚肉厚切加码，油花均匀，入口即化，带微焦香气。面条硬度可选，挂汤效果出色。整体口感满足，适合钟意重口味嘅食家，建议加啲清新配菜（海苔）同多粒蛋会正。🥨唐扬炸鸡日式炸鸡外皮酥脆，金黄诱人，内里鸡肉嫩滑多汁，肉汁充满口感。腌制入味，原味已鲜甜，选辣汁或烧汁更添层次。5件份量适中，适合同拉面分享，做小食下饭一流，质素高，绝对要试！🥟羽根饺子羽根饺子皮薄脆，底部有网状焦痕，馅料肉汁饱满，咬开汁水四溢。加七味粉或饺子醋，酸香同肉香相得益彰，5件份量做配菜正，性价比唔错。热食最佳，建议即点即食，保持脆度同鲜味。霸吗拉面将传统同创新结合，环境舒适，服务友善，性价比高，值得一试！
继续阅读
您可能会有兴趣的...