滿粥順德粥底海鮮火鍋

营业中

休息中

之前喺广州食过粥底打边炉， 同朋友讲开佢话屋企楼下开咗一间粥底打边炉， 于是走咗去新蒲岗同朋友一齐试下， 舖头细细间但系新装修都坐得好舒服 海鲜锅系人头计…… 每人$198 包咗海鲜五款及自选7款火锅配料 ，份量唔够可以追加配料而价钱都唔贵， 我哋加咗 一份鱼皮饺一份蔬菜都系每份十几蚊 饮品都系十二蚊罐。虾蟹鲍鱼都好新鲜好鲜味 贝类好大只好多肉， 店员好细心咁同我哋讲解每类食物嘅烹调时间， 每张枱都有计时器 依次序时间就能食到最好味嘅，除咗主要嘅海鲜仲有蟹籽丸、 墨鱼滑、 花之丸、 肥牛、黑豚肉…… 全部都好好食， 食到尾声店员就会 帮我哋落南瓜粟米到粥底里面，滚一阵就有一碗热辣辣 超浓海鲜味嘅海鲜粥。