雷公子海鮮串燒大排檔 (已結業)

见做野做到攰, 收工就即兴约班同事食餐好, 有人提议食海鲜,揾呀揾,见雷公子食评都唔错,就试下呢间啦…6.45黎到, 人流唔多, 可能平日又早既关系啦, 一黎到著住制服既小二先每人送上一碗红萝卜煲黄瓜汤,汤唔够热, 但味道都几浓,只系偏油左少少第一味𩠌系蛋家佬炒蚬, 一入口有点辣, 不过好惹味, 味道有D似辣版XO酱,到最后仲食到只小虾米再黎蜜桃冰梅骨, 排骨炸得偏干, 肉汁不能多, 配上酸汁系几开胃既, 蜜桃似罐头桃下一道菜就系海盐手插虾, 盘入面先用盐围位, 内里一拆开锡纸就好有避风塘既味道, 虾够晒大只,炸完后虾肉仲好弹牙,虾壳仲好脆添立体3D芥兰, 全因为3D呢个名而点的, 但一上菜后都谂唔通点解要咁叫,讲返野食先,芥兰是炸的,但都炸到几香脆, 而叶炒后好似紫菜, 配上肉碎, 都几特别压轴火焰桶蚝, 上菜时真系有火, 好有气势, 讲返味道, 蚝够晒大只,好肥美,泡油后变得更加香口, 入面既洋葱都吸收晒蚝既香味总括今既海鲜餐都几好, 试到海鲜除左蒸之外,仲有其他煮法都可以咁好食, 唯独份量唔系好大份