影片
更多
2010-07-03
21 浏览
好多年前中环返工时，曾有机会到呢间有蛇窦之称嘅乐香园，食物质素早已令我回味无穷，后黎面对旧业主疯狂加租逼迁，乐香园搬到中环中心附近继续营业。今日有机会再黎到呢度开餐，同大家分享一下！如果未黎过嘅朋友，记住空肚黎呀~因为要试嘅野真系几多，而且几饱肚架～午饭时间到黎人头涌涌，好彩等左唔系好耐就有位，因为目标早已锁定，所以随即快快手先叫个滑蛋叉烧饭，再加杯香滑冻奶茶....滑蛋叉烧饭($25) - 水准依旧出色嘅头号名物，肥瘦刚好嘅热辣辣叉烧，被滑溜到爆晒灯嘅蛋汁包住，再加埋葱花，好好味！所以你见到成间茶记有好多人都叫呢个...滑蛋虾仁饭($25)同样都系食客至爱，呢度嘅虾仁又大只又爽口，味道上因为少左叉烧本身嘅肉味，所以整体上较为清淡，嫌淡的话台面上有樽甜豉油可以帮到你....除左两个饭之外，呢度仲有几个名物要介绍俾大家，首先就系呢个出面揾唔到有得卖，外型又有少少似皮蛋酥嘅杂批($6)....叫得「杂批」，馅料当然系非一般咁单调，入面有午餐肉，烚蛋同埋青豆，配搭上几特别，外层批皮甜甜地，咬落亦够松化，如果大家就啱时间食到新鲜出炉嘅就更Perfect~呢度嘅鸡批($6)同样受到唔少食客追捧，
午饭时间到黎人头涌涌，好彩等左唔系好耐就有位，因为目标早已锁定，所以随即快快手先叫个滑蛋叉烧饭，再加杯香滑冻奶茶....
滑蛋叉烧饭($25) - 水准依旧出色嘅头号名物，肥瘦刚好嘅热辣辣叉烧，被滑溜到爆晒灯嘅蛋汁包住，再加埋葱花，好好味！所以你见到成间茶记有好多人都叫呢个...
滑蛋虾仁饭($25)同样都系食客至爱，呢度嘅虾仁又大只又爽口，味道上因为少左叉烧本身嘅肉味，所以整体上较为清淡，嫌淡的话台面上有樽甜豉油可以帮到你....
除左两个饭之外，呢度仲有几个名物要介绍俾大家，首先就系呢个出面揾唔到有得卖，外型又有少少似皮蛋酥嘅杂批($6)....
叫得「杂批」，馅料当然系非一般咁单调，入面有午餐肉，烚蛋同埋青豆，配搭上几特别，外层批皮甜甜地，咬落亦够松化，如果大家就啱时间食到新鲜出炉嘅就更Perfect~
呢度嘅鸡批($6)同样受到唔少食客追捧，外型上其实同Pie & Tart果只差唔多，但入口无咁油腻，饼皮较松化而且牛油味十足，加上无乜洋葱，口感更正！中意食鸡批嘅朋友真系要试下～
最后一提就系呢度嘅菠萝包($3)...大家心谂应该会话:「下?无咩特别咋㖞！」外型上真系完全唔起眼，但第一啖咬落去就会明白我点解要介绍俾大家...因为呢个真系食落去有菠萝味嘅菠萝包，上面椰蓉馅果度混入菠萝茸，所以食落去有啲似凤梨酥嘅味道，正因为如此，大家黎试的话千祈唔好俾多两蚊加牛油呀～真系会有浪费嘅感觉....
如果大家以前无去过威灵顿街蛇窦旧店，或者只会觉得新店只系一间普通茶记。系唔系怀旧都好，呢度食物同服务质素其实都好值得大家黎试下，不过留意一下时间，午饭黄金时间就回避一下喇！
张贴
