牛一香港仔魚蛋粉專門店

营业中

休息中

单看餐牌就见到呢度供应嘅食物有几多样化，除了一般潮州粉面，仲有鱼面；想食浓味d，可选食喇沙；想食清d，可选越式；仲有不同口味嘅手撕鸡饭，盐焗、麻辣、蒜辣、蒜香，最特别嘅系坊间比较少嘅健康选择--淮山面。最近更推出埋炖汤，真系各式各样嘅都有。最喜欢食这里的手撕鸡饭，每碟饭都会跟个紫菜汤，但有时店员会忘记递上，要主动问。手撕鸡大大件，老实讲肉质不至于很嫩滑，但完全唔会鞋，配上不同调味，送饭真系一流。紫菜汤😅其实真系好咸，不过跟饭送的，算系足料，每次食都有很多紫菜。这里食物质素唔算高质，价钱在大埔墟食肆嚟讲都稍高，但这里人情味浓，家庭式经营，见过有次有个学生食完先发觉自己无带银包，店员完全无要求学生摆底任何证件/物件，就简单一句叫学生下次俾返钱。这里食到的是人情味，但如果食物味道都可以再提升一点会更好。