鐵板燒 (已結業)

　　呢间位于太古城中心入面大食代（即系俗称美食广场）既舖头，同一般美食广场既形式好唔同，有固定座位、要排队、价钱贵…　　我一行两人误打误撞黎倒呢间舖，坐低招呼唔算周到，只系摆低左个例汤，但转头都主动过黎同我地落单。落单后就开始等…呢间野特式之一系睇住个师傅即场炒即刻有得食，热辣辣送到你面前。每一set都包一个主菜 ，白饭，例汤，青菜同芽菜。首先黎到既系青菜同芽菜，个芽菜就不过不失，而个青菜就唔错，不过略为咸左少少…由于个师傅预个份量唔够，刚去到我同我朋友时，只得一份青菜，结果要等另一为师傅再补炒番。我地试左两个师傅手势后，味道明显有分别。第二份明显无咁咸，不过都几好！　　最后就系个主菜，我地分别食左羊肉片同鸡扒，点知个师傅一个唔小心俾错份西冷牛，食左一旧后发觉唔对路同师傅讲，佢都好有礼貌讲唔好意思同再补番俾我地，结果反而益左我地试埋个西冷牛！份量方面其实系比较细，味道方面：羊肉片我觉得几好，不过其实都仲有少少少少”苏”味，鸡扒就普普通通，西冷牛唔错呀！（另外，个青菜同芽菜份量系好大！唔似得平时出去食野求其俾两条菜就话跟埋菜咁…）　　我地两人都好满意今餐，最后仲加多个青菜食，埋单一百二十