Spring field (已結業)

初头以为喺一间新开嘅日本餐厅，见到门口menu先知原来喺食越南粉，见menu有和牛粉仲话喺每天限量供应，就试试。入到店内格局好日本拉面feel，一于试吓个火炙半熟和牛河，仲可免费选择配料，有芫荽，紫洋葱同青葱，咁紧系要哂啦。碗河嚟到加埋d配料，睇落好丰富，不过唔见有生荳芽，原来枱头放咗兜腌荳芽，少少辣，任落。至于和牛，切得微厚，好有牛味，仲好淋同滑㖭。而个汤就比一般其他越南河浓，劲牛味，再加埋d惹味配料个味超丰富，不过肯定唔系味精汤，因为食完唔太觉口渴。特别想讲个粉，好少食到咁弹牙同滑嘅粉，呢个有惊喜，估唔到。本来仲想叫春卷，但碗粉份量都唔少，太饱，下次再嚟食过，反正都想试吓佢哋嘅牛丸。