Kuro Japanese Cuisine (已結業)

平时返工系公司附近lunch都唔知食左咩落肚,所以放假对自己好d同女朋友揾左间高级日式餐厅，而且间餐厅系新开。一上去门口见到多酒,但唔系平时见开果d日本清酒,而是红酒白酒果d,少在日式餐厅见到,入到去见到一排公仔，D公仔好特我都未见过,听闻系老板特别订造,再望下周围,原来可以望到海景架!估唔到铜锣湾餐厅都有咁既环境好意外。我点左个特上刺身定食,女朋友点左素菜御膳。侍应介绍左我饮一杯cocktail叫<Sakura dream>,杯cocktail一来已经忍唔住要影返几张相因为太靓啦！饮第一啖先有玫瑰味然后再有荔枝味好重最后先有酒味,味道好有层次,真系好介绍。女朋友叫左杯西柚汁味道好重唔似有加水。汤好清晰但好有味道系自己煲出来的味道,唔系用粉或酱开出来感觉。主菜来啦!侍应好小心放低,然后细心讲解每种食物同食既次序。先食贝类肉质好厚,味道甘甜,好实在感。海胆肉深黄色,味道清甜,入口嫩滑。牡丹虾肉质鲜甜有弹性。吞拿鱼鱼腩白色雪花好平均好靓,入口真系既溶除既散发浓浓鱼油芳香。其实所有食物D味觉好细致,真系要亲身食过先知道,呢间餐厅值得再去,一个lunch有非凡高级体验。