玄米茶廳

营业中

休息中

今日系尖沙嘴，食到一间不一般既茶记。 本来系谂住行得攰攰地，求其揾间茶记食，入到黎呢间玄米茶餐厅，睇落好新下。 一入门口阿姐就好好招呼。 佢呢度好似咩都有得食，门口大大个煮牛腩粉面既厨间，而佢后面就系烧味部，然后再舖头入面仲有个出饭餐既后厨同水吧。 真系舖头细细一应俱全。 好肚饿就叫左个炸鸡翼先。 系全翼，仲要炸得好香好脆，碟身都唔会见好多油，果然系即炸。 食落唔会好咸，好少茶记既鸡翼咁好食。然后阿姐话仲有崩沙腩，所以就叫左个崩沙腩米粉。 黎到个卖相劲靓，崩沙腩好足料，而且仲要好大嚿，好厚身，咬落好够稔又香，肥瘦均匀，真系好正。 而且佢仲有爽甜既菜芯跟埋。最后饮埋个好正既杂果宾治，劲多杂果，仲系细个饮既味道，真系好难得。 估唔到呢间茶记咁有惊喜，食得好开心。