影片
更多
2022-01-28
2496 浏览
前阵子，同几位朋友落太子食晏，推介咗呢一间西餐厅，正值午饭尖峰时段，门外都出现短短人龙，若非喺老友推介，应该就会转场，因为小弟甚少为餐饭嘥时间排队。其实人龙唔算长嘅，但排咗一阵已知流量慢，始终喺西餐厅，唔喺快餐店或茶记，结果都等上大概廿多分钟。踏进餐厅内，环境唔大，如大多数嘅西餐厅般，不过，装修上明显都花过心思，就好似墙上做咗啲假窗，又有啲仿木嘅墙身，仲挂咗啲跟食物相关嘅画作，以及一啲小盆栽，都令到整体气氛轻松得多。 始终太子区啲铺租唔会平，餐厅用尽每吋地方，枱櫈排得密，都可以理解，所以，每张枱栋咗啲胶板，唔太块，防疫作用都好有限。不过，将啲餐具包起去，就值得一赞，之但喺，叉头、羹头向入放，晌防疫上就有意义啲。 午餐精选，就一面餐牌睇晒，A到K共11款，包沙律或餐汤，奉送基本热饮，而主菜嘅定价由$52-$78，呢一区嚟讲都算相宜啦。仲可以加配精选蛋糕，每件$20。罗宋汤配蒜蓉包个汤真喺几得，一来够酸香浓郁，二来够料多，饮完真喺几醒胃，相反，件蒜蓉包睇落就唔错，拎上手仲微微暖，可惜，就唔太脆口。烧鸡扒田园沙律配日式胡麻酱 $52友人就唔想太多肉，所以，拣咗呢一款田园沙律，沙律菜都算新鲜，
踏进餐厅内，环境唔大，如大多数嘅西餐厅般，不过，装修上明显都花过心思，就好似墙上做咗啲假窗，又有啲仿木嘅墙身，仲挂咗啲跟食物相关嘅画作，以及一啲小盆栽，都令到整体气氛轻松得多。
始终太子区啲铺租唔会平，餐厅用尽每吋地方，枱櫈排得密，都可以理解，所以，每张枱栋咗啲胶板，唔太块，防疫作用都好有限。不过，将啲餐具包起去，就值得一赞，之但喺，叉头、羹头向入放，晌防疫上就有意义啲。
午餐精选，就一面餐牌睇晒，A到K共11款，包沙律或餐汤，奉送基本热饮，而主菜嘅定价由$52-$78，呢一区嚟讲都算相宜啦。仲可以加配精选蛋糕，每件$20。
罗宋汤配蒜蓉包个汤真喺几得，一来够酸香浓郁，二来够料多，饮完真喺几醒胃，相反，件蒜蓉包睇落就唔错，拎上手仲微微暖，可惜，就唔太脆口。
烧鸡扒田园沙律配日式胡麻酱 $52友人就唔想太多肉，所以，拣咗呢一款田园沙律，沙律菜都算新鲜，淋上日式胡麻酱，味道OK嘅，而鸡扒亦都煎得香口，口感亦算嫩滑，喺油咗少许，份量勉强够，大食啲嘅男生应该唔够喇。
马来咖喱烩牛仔肉饭 $68另一友人一向喺食肉兽，无肉不欢，拣呢一款马来咖喱烩牛仔肉就毫无悬念，而个饭亦做得似模似样，咖喱都颇有马来风，带少少香辛味，微微辣，至于啲牛仔肉比预期松化，唔太韧，份量又够。
海鲜法式龙虾汁意大利饭 $68意大利饭一向好睇得出厨师嘅手势、功力，所以，一睇餐牌就拣定佢。卖相都有板有眼，而海鲜就只不过是青口、蟹柳同啲好细粒嘅鱿鱼，质素就普普通通咁啦；啲饭亦都麻麻，够湿润，但就有啲过腍，无咗意大利饭𠮶种独有嘅咬口感，至于龙虾汁底，其实少少淡薄，当然，卖价只喺60多，亦不能有太高要求。反而，饭面嘅碎芝士，就做得好「求其」，一嚿嚿挞晌一边，其实呢个非个别情况，上述嘅沙律都有同样问题。
即磨咖啡今回就简单啲，餐饮只拣杯即磨咖啡，店家用嘅豆应该唔差，因为入口非常醇香，而附上嘅鲜奶亦暖过嚟，所以，服务一环都俾高少少分。
虽然喺老友推介，但比预期有少少落差，唔喺话唔好，只喺有预期，就会想喺好啲。假日嘅午市都几繁忙，所以，招呼就无咁熨贴，但店员都好有礼貌嘅。
张贴
