影片
更多
2015-02-18
1039 浏览
礼拜五下午放假，同同事6个人2点几去到餐厅，因为大家之前都食左啲野，所以大家只想食少少野，揾个地方坐低吹下水咁，同事见到餐牌上写每人最少饮一杯野，咁就入去啦，大家叫左3个午餐，谂住晏啲先叫6杯饮品，点知个著便服短头发嘅女职员立即好串咁话，"每人最少叫一个餐㖞!" 同事话，"唔系㖞，我见到最少叫一杯野饮就得㖞! "个女职员话，"边个咁好同你咁讲呀？"同事话，"你个menu写住㖞! "个女职员就话"而家新年嘛!" (年廿五就叫新年??!!)之后我地叫佢落住呢啲先，佢就黑口黑面走开。食食下野，我地发现后面张枱有人食三文治同格仔饼，于是就揾人嚟问问点解唔见我地个menu有嘅? 点知又系𠮶个女职员行过嚟话, "点呀？仲加啲乜野呀？"我话，"我想问下呢，我见到人地有三文治呢啲野食，点解我地无𠮶个menu嘅? "点知个女职员发火 话"人地话唔食饭丫嘛, 咁我咪俾呢份menu佢地啰，咁你地食饭丫嘛，我咪俾呢份menu你地啰!!! 话我点解唔俾你!!!" 同事见佢咁癫，就唔敢刺激佢，就话，"咁你俾𠮶份menu我地丫", 我同同事讲，我几时话我要食饭呀? 点解一定要食set lunch呀？啲set lu
食食下野，我地发现后面张枱有人食三文治同格仔饼，于是就揾人嚟问问点解唔见我地个menu有嘅? 点知又系𠮶个女职员行过嚟话, "点呀？仲加啲乜野呀？"我话，"我想问下呢，我见到人地有三文治呢啲野食，点解我地无𠮶个menu嘅? "点知个女职员发火 话"人地话唔食饭丫嘛, 咁我咪俾呢份menu佢地啰，咁你地食饭丫嘛，我咪俾呢份menu你地啰!!! 话我点解唔俾你!!!" 同事见佢咁癫，就唔敢刺激佢，就话，"咁你俾𠮶份menu我地丫", 我同同事讲，我几时话我要食饭呀? 点解一定要食set lunch呀？啲set lunch又唔系特别吸引! Menu嚟到就知点解了，原来啲三文治平过set lunch几十蚊，佢地就想迫人食set lunch, 但系唔系个个上嚟一定好肚饿架嘛!! 你个lunch又汤又包又主菜又野饮，咁想食少少野嘅人点呀？散叫唔系客人呀？ 真系未食都一肚气!最后坐坐下有下午茶，所以都加左三人份量tea set。
食物方面
Set lunch有三款汤选择，红汤，白汤同洋葱汤，我地每样叫一个，我无饮到，同事话味道都系普通餐厅水准。
Set lunch我地叫左一个猪脾饭，猪脾几淋，都几好味。一个炸鱼薯菜，呢个都唔差。另外一鸳鸯焗饭，呢个好似大家乐水准。
下午茶餐，我地叫左个二人pizza餐，pizza有6件，热辣辣，味道都唔错。另一个叫左雪糕格仔饼，雪糕有三款选择，我地要了云呢拿雪糕，个格仔饼就普通到不得了，咸食应该好过甜品。
总括食物中规中矩，唔系特别好味。
服务除了著便服短头发嘅女职员态度恶劣质之外，其余职员都ok有礼貌嘅。
不过就系因为呢个女职女，我地已经bad list左呢间餐厅，仲叫身边朋友不要贴钱买难受。
其实一间有质素嘅餐厅，系唔会净系俾午餐的餐牌，而散叫嘅餐牌就唔提供俾埋人客的!
张贴
