至尊重慶雞煲 (創興廣場)

营业中

休息中

上星期六，2023年1月28日，系食评度见到呢间有二百几人话好的店舖，就去试食咗佢的鸡煲火锅无限时午市放题，一点多入坐但要四点半前离坐，仲每人加20蚊，有所谓广岛蚝同埋好啲嘅牛肉。首先就上咗一个重庆鸡煲小辣，不过一食就知道中伙，好明显系啲雪鸡，味道就比较偏咸，我哋4个人应该就唔够1只鸡嘅份量，好彩冇每人加20蚊鸡煲饮食，否则感觉仲伏。跟住，只系加啲清水入个鸡煲度做火锅汤底，简直连大排档都不如，佢唔会同你另外换煲或提供任何嘅汤底选择。所谓加钱比较好啲嘅牛肉、广岛蚝，就系雪到成旧冰咁攞嚟俾你。其他火锅配料选择又少，又唔好食，连其他火锅店最常见嘅水饺、云吞……都冇。最值得一提又难忘嘅就系啲所谓花胶，根本上就系好似擦子胶咁，滚成半个钟头都咬唔入，都唔知系啲乜嘢胶。又冇甜品，只有一、二款本地牌嘅雪糕。总括……系去错地方，相比起其他位于创兴中心另二间火锅店，根本上系唔值咁嘅价钱，以后都唔会再去。