新哥廚坊

营业中

休息中

来到观塘，唔想食连锁店嘅出品，所以就行下行下去左这个商厦，这个商厦有几间小店，我求其拣咗这间，因为见到有米线😅因为今日唔想食饭。午餐有饭亦都有米线餐，我点咗酸菜滑牛猪肠米线配冻柠茶走甜先上冻柠茶，柠檬2片，茶味系有👌🏻🍋等咗阵唔算耐已经有得食，米线软硬适中兼且份量唔少，配料有香芹、豆腐泡、大豆芽、荽茜、酸菜、葱，滑牛和猪肠都好多片，滑牛冇乜牛肉味，猪肠正正常常冇异味，酸菜都系冇乜酸菜味，但系个猪骨汤真系好浓猪骨味，全靠这个猪骨汤底，整碗米线就好好食，不过真系成碗食唔出酸菜汤味，如果当系猪骨汤米线的话就真系比较适合。店面唔算大，店员企向店门推介，入到店都有店员好亲切走埋嚟问我想食什么和介绍一下午餐，枱面整洁，唯独是油烟比较大，我已经坐近门口离厨房颇远，都成日一阵油烟味，这个希望店主注意一下。