祥仔辣辣 (海運大廈) (已結業)

因为有 coupon，所以嚟呢度食。一入内就递上一壶清水（不是茶）。饮咗一口，唔..... 有阵油味。个杯仲见到薄薄一层油。忍唔住皱咗一吓眉。叫咗招牌酸菜鱼，海南鸡，成都担担面，白灼鹅肠。酸菜鱼份量好足，有大豆芽，几块莲藕片同几块蒿笋。但个汤嘅酸味唔似咸酸菜煲出嚟嘅酸菜味，反而似加醋煮嘅味；鱼片厚咗啲，硬身咗啲，鞋咗啲；咸酸菜得几条，少得可怜。唔！又皱咗一吓眉。海南鸡半只。我拣咗微辣，但系食唔出。反而浆汁碟右边第二格嘅花椒油几好味。有少少咸味，又唔呛喉。鸡够滑，但话呢度就系半只鸡，好似都偷得唔少。又再皱咗一吓眉。白灼鹅肠。似乎灼得过火了。唔爽，有啲韧。麻麻哋。成都担担面。面质较平时食嘅淋。汤唔够辣又唔够香。最重要系汤都唔够热。忍唔住又再皱咗一吓眉。好彩有海港城 coupon。原价嘅话真系唔值。