euro go go

营业中

休息中

今日同个friend去葵涌广场行街街，行得攰想揾个舒服嘅地方坐低食个晚饭，于是我哋走咗去新都会广场睇下有咩食，行行下见到久违嘅Euro go go☺️，见排队人龙唔多，我哋拿拿声跟队，等咗一阵好快就有位喇。依家要自行用QR code下单，既方便又快趣唔错。烟肉蘑菇薄饼半份 $56.-饼底非常薄脆，蘑菇份量比较少，感觉冇乜蘑菇味道，烟肉及蕃茄味比较重，可惜个面焗得唔够干，上面过湿只系饼底脆，口感差咗小小。芝士白汁海鲜意粉 $76.-面层芝士焗到金黄色，意粉煮得软硬适中，份量又多，芝士白汁味道香浓，口感creamy，配埋蚬肉及鱼块一齐几好食。.薯皮拼盘 $102.-有吞拿鱼、蒜香鸡及烟肉芝士各2件，薯皮焗得香口，馅料充足，唯一败不嘅地方就系太多沙律酱，所以味道偏甜，咬落去嘅时候感觉一pat pat，口感唔太好。