影片
更多
2023-10-19
26 浏览
公司附近，成日经过，都无特别留意入去，老婆过黎揾我食lunch咪入去试下。坐低无耐，侍应递上lunch 定食memu，唔驶烦。有鱼生饭，有饭乌冬定食，有寿喜烧拣，都有唔小选择。落单之后，好快就黎左杯可乐。鬼死咁渴，一野就队哂。面豉汤：多数d送既面豉汤，都无乜期望架啦。多数都系咸到死劲重味咁。呢次无呢个问题，又有汤料食下，竟然有两只细细地剥左壳既虾，有两个蚬，仲有豆腐粒同海带。味道就个人喜好啦，一定唔系出面死咸咁，对我黎讲啱啱好。沙律：沙律菜，栗米粒，蕃茄仔，加上胡麻酱，只要d料系新鲜唔会差得去边。小食：今次系章鱼丸，新鲜整起，够热，唔会食粉咁，或食落一pat野食浆咁，好正常。最紧要有沙律酱，个酱另上可能会好d，有d人未必钟意。伊比利亚猪：我就食唔出系猪边一个部份。但食落去有部份肥肉，又部份系系瘦肉，有小小肥肉先会香口，所以一上台就闻到香味。牛舌薄烧：牛舌，最爱食物之一。见到紧系要试啦。碟牛舌用铁板上，每块牛舌上面都铺满蒜粒，葱花。侍应温馨提示如果想熟d要反一反煎多野，我就无啦，好小心咁连埋d蒜粒同葱花放入口，浓郁既牛味加埋蒜葱，无得输。三文鱼炒饭：炒饭真心最紧要较干身，粒粒分明，d碗炒
有鱼生饭，有饭乌冬定食，有寿喜烧拣，都有唔小选择。
落单之后，好快就黎左杯可乐。鬼死咁渴，一野就队哂。
面豉汤：多数d送既面豉汤，都无乜期望架啦。多数都系咸到死劲重味咁。呢次无呢个问题，又有汤料食下，竟然有两只细细地剥左壳既虾，有两个蚬，仲有豆腐粒同海带。味道就个人喜好啦，一定唔系出面死咸咁，对我黎讲啱啱好。
沙律：沙律菜，栗米粒，蕃茄仔，加上胡麻酱，只要d料系新鲜唔会差得去边。
小食：今次系章鱼丸，新鲜整起，够热，唔会食粉咁，或食落一pat野食浆咁，好正常。最紧要有沙律酱，个酱另上可能会好d，有d人未必钟意。
伊比利亚猪：我就食唔出系猪边一个部份。但食落去有部份肥肉，又部份系系瘦肉，有小小肥肉先会香口，所以一上台就闻到香味。
牛舌薄烧：牛舌，最爱食物之一。见到紧系要试啦。碟牛舌用铁板上，每块牛舌上面都铺满蒜粒，葱花。侍应温馨提示如果想熟d要反一反煎多野，我就无啦，好小心咁连埋d蒜粒同葱花放入口，浓郁既牛味加埋蒜葱，无得输。
三文鱼炒饭：炒饭真心最紧要较干身，粒粒分明，d碗炒饭一定做到，最怕又食到食口油，油淋咁，见到都惊。呢碗炒饭无咁既问题。
另外再叫左
秋刀鱼刺身：秋刀鱼呢个时间食就啱啦，鱼香，肉质靓仔，都几新鲜下，d人成日话秋刀好腥我又唔觉，老婆都怕腥都话接受到。
日本象拔蚌胆炒芦笋：洋葱去炒象拔蚌，食落似炒蛏子咁，不过个胆又几得意个口感，食落似食鸡肝咁又够香口。
最后又望到佢有串烧加beer既餐，四串加一杯beer，一旧水，收工可以去试下。
张贴
