Cocina 3 Tapas Restaurant & Bar (已結業)

今日生日同老婆去了这间餐厅食西班牙菜，原因是为了西班牙海鲜炒饭而来。首先餐厅环境几舒服，有啲酒吧feel，坐落个感觉几轻松。今晚点了4款菜，先是俾$15的任食脆片配酸忌廉芝士酱，其实个脆片系一般超士买到的粟米脆片，单讲块脆片系无特别，不过重点系佢个酸忌廉芝士酱，块脆片沾上这个酱之后完全唔同，酸酸地同好浓味，食落口几香，同埋可以任食，如果同班朋友坐底饮杯酒，一路饮一路食，个感觉应该唔错，系一种享受。跟住到西班牙香烧乳猪仔。件乳猪食落似烧肉多啲，无咩特别，反而觉得传统中式烧乳猪好食啲。然后到另一款小食，西班牙炸车打芝士波，一摆入口热辣辣，应该系啱啱炸好，中间都几多芝士，个炸粉皮唔会太厚，食落都几浓味，不过略为偏咸。之后到西班牙海鲜炒饭，啲饮食落几硬身，有啲咬口，同埋啲海鲜味渗咗落啲饭入面，食落都唔错。总括呢间餐厅都值得一试，可以再去。