一番日本料理

营业中

休息中

呢到6点前寿司有特价 叫咗14件都系80左右 味道上就冇咩特别 好食过争鲜少少啰 啲饭冇咁重寿司醋味 整体上嚟讲就算抵食 另外叫多咗两串串烧嚟食 烧茄子同鸡肾 烧茄子系用照烧汁调味 食落去系甜照烧汁味 唔系出面串烧店𠮶啲蒜蓉𠮶种 味道上可以嘅 钟意偏甜口味嘅人应该会好钟意 另外鸡肾就有6小块 唔会话咬唔到 口感几爽脆 但味道似卤水多过串烧 都好食嘅环境嚟讲 可能5 6点闲日食就冇咩人 成间都系得两枱客 坐得都算舒服 唔知系咪唔好彩 我哋食𠮶阵喺枱见到有啲小昆虫 呢点可能就扣少少分