影片
更多
2020-10-19
3579 浏览
每个人对自助餐嘅喜爱都唔同，有啲人特别注重甜品嘅种类，有啲人又会希望有多啲熟食; 而我，就对海鲜非常重视！最理想就系有齐即开生蚝、龙虾、长脚蟹等等。已经有一段时间冇去过凯悦酒店咖啡厅食自助餐，可能都有一、两年嘅事... 曾经我都几欣赏佢哋，虽然冇生蚝，但系有新鲜即煮嘅龙虾任食！系任食！ 普遍酒店自助餐嘅龙虾都系急冻嘅，新鲜即煮真系好难得，亦都系好好味！近期staycation流行，本来我同朋友只系打算食自助餐，但每人加多三百几蚊就可以住埋房，所以我哋都拣咗呢间酒店，谂住可以好好咁食龙虾！但原来酒店已经改咗政策，每人只有一只龙虾，可以拣芝士焗、蒜蓉蒸或者烧。听到之后简直觉得晴天霹雳！好失望！海鲜方面，可以任食嘅只有长脚蟹、翡翠螺同青口。刺身方面只有几款，中后段师傅先拎少少带子刺身出嚟，整体来讲都唔系好吸引。熟食嘅款式亦都唔算太多，全场可能系甜品方面比较吸引，可惜我唔太喜欢食甜品。饮品方面，现场有水蜜桃梳打，不过唔好饮。另外仲有椰子沙冰、乳酪沙冰。感觉有啲奇怪 每位包一杯餐茶，加$78 可以任饮果汁汽水，加 $98 就可以任饮红白酒。睇其他食评有人话自助晚餐抵食，讲真，凯悦酒店咖啡厅嘅自
已经有一段时间冇去过凯悦酒店咖啡厅食自助餐，可能都有一、两年嘅事... 曾经我都几欣赏佢哋，虽然冇生蚝，但系有新鲜即煮嘅龙虾任食！系任食！ 普遍酒店自助餐嘅龙虾都系急冻嘅，新鲜即煮真系好难得，亦都系好好味！
近期staycation流行，本来我同朋友只系打算食自助餐，但每人加多三百几蚊就可以住埋房，所以我哋都拣咗呢间酒店，谂住可以好好咁食龙虾！但原来酒店已经改咗政策，每人只有一只龙虾，可以拣芝士焗、蒜蓉蒸或者烧。听到之后简直觉得晴天霹雳！好失望！
海鲜方面，可以任食嘅只有长脚蟹、翡翠螺同青口。刺身方面只有几款，中后段师傅先拎少少带子刺身出嚟，整体来讲都唔系好吸引。熟食嘅款式亦都唔算太多，全场可能系甜品方面比较吸引，可惜我唔太喜欢食甜品。
饮品方面，现场有水蜜桃梳打，不过唔好饮。另外仲有椰子沙冰、乳酪沙冰。感觉有啲奇怪 每位包一杯餐茶，加$78 可以任饮果汁汽水，加 $98 就可以任饮红白酒。
睇其他食评有人话自助晚餐抵食，讲真，凯悦酒店咖啡厅嘅自助餐并唔平㖞！周末成人自助晚餐，每位$698，当你有八五折，都要$663！呢个价钱可以喺其他酒店食到更多嘅款式，无论系海鲜定系熟食。所以，个人嚟讲真系绝对唔会推荐呢一间。
张贴
