牛陣 (形點 II)

营业中

休息中

今日晚上8点同朋友两个人book左形点呢间牛阵食放题打边炉，我哋拣左每位$289放题套餐。坐低时职员都有讲用餐时间系90分钟，有好多蔬菜选择，比较特别有冰菜，秋葵。甜品系Häagen-Dazs，迷你窝夫，pancake，又有小朋友最爱嘅棉花糖机。饮品都有汽水，果汁，自家制桂花乌龙茶，个价钱都合理。隔篱枱2男1女我坐低时他们已经打紧边炉食紧，我同朋友9:15已经埋咗单，我哋可以食到9:24pm,到时间大约9:35左右，有位女职员走过来同我哋讲用餐时间已经够左要求我哋离开，我同朋友其实已经戴紧口罩准备执嘢走。但系坐我哋隔篱枱𠮶两男一女完全冇人走过去要求佢哋离开，可能因为系佢哋系熟客关系，全程食嘢嘅时候见到d侍应走去打招呼倾计。我当然知道够钟要起身走交台，但当时出边都冇客人排队等候，职员走过来出声叫我哋走，我哋完全明白觉得合理，只不过佢点解唔将呢番说话同隔离𠮶张枱嘅食客讲呢？好明显系不公平对待，好想知道系咪食和牛放题套餐（价钱高）可以任坐唔会赶你走或者𠮶台熟客仔经常买嘢食请呢间店d职员食所以特别好礼貌地招呼？