勝博殿日式炸豬排 (已結業)

话说两个人夜晚晚系尖咀睇完戏行完街八点几九点钟，谂住黎「胜博殿」应该无咁多人，点知都系等左差唔多廿几三十分钟先入到。如果之前唔系有人等唔切走左，我想等得重耐。有样东西要弹，已经差唔多九点先入到去食，「胜博殿」又收十一点，做乜鬼系九点后进场都要限时个半钟呢？著实好耐无乜食过炸物，果晚又忽然庆起想食，于是去「胜博殿」。可能太耐无去，都唔知「胜博殿」宜家有二人套餐；对于咁夜想食野又唔想多谂野既人黎讲系件好事，于是点叫左「季节二人套餐」同「酱油烧野菌」。同其他食炸物的日式料理店一样，白饭、椰菜丝和面豉汤系任叫的；虽然系任叫食物，但是大家都唔好浪费食物。日本珍珠米饭果日唔知系咪个厨师心情唔好定心不在焉，落水多个头搞到米饭过黏。不过，呢到个椰菜丝和面豉汤都唔错，加埋「胜博殿」既独家酱油，基本上可以食饱人。到前菜了，「酱油烧野菌」加埋柠檬汁，配搭几新鲜；食落口时唔系太觉得似烧物般干身，似是锡纸入焗炉焗多一点。正菜既「季节二人套餐」有吉列广岛蚝两件，炸海虾两件，忌廉蟹肉饼一块，特上猪扒一块。吉列广岛蚝一点都唔腥，食落虽然还有一点海味，但感觉唔错，同埋够大只；对于钟意食蚝既人来说可能是浪费左只蚝。炸海虾