越色牛肉粉餐廳 (已結業)

几个月无去, 间野似乎转左手? menu上个名得返Pho, 无左个Hoa字, 连个女人头logo都无埋! 价钱似乎系平左? 食牛河有送一杯港式饮品(冻饮加3蚊). 叫左生牛肉河同一碟米卷. 牛河食左一半, 碟小食先送来, 仲要变左网卷? 即刻俾返碟野佢, 点知过左约十分钟, 同一样野又送多次来, 今次仲要系另一个女仔侍应话, 无错系XX网卷. 咁我都知系网卷, 个样都唔难认既, 问题唔系我order既野来嘛.. 如果佢系想迫人要既话十分钟前果碟唔该就迫啦, 做乜要拖人咁耐呢? 当然系坚持要返米卷, 点知食哂成碗牛河, 连杯野都饮埋, 仲唔来, 叫追单又睇都无睇就话整紧, 如是者拖左十几分钟, 最后决定cancel order! 而女仔侍应亦好口爽咁话无问题.. 不禁令人觉得会唔会一路都系无打算俾呢个米卷我呢??? um..除左呢个不愉快经验外, 生牛肉河都系差左, D牛肉无味, 汤好味精, 系比之前大碗左, 都几饱, 但quantity唔等于quality嘛! 同埋唔好明间野又唔大, 做乜有成八至十个侍应? 好明显唔会再返转头! 请各位Pho Hoa fans也不要中招!