正斗粥麵專家 (景光街)

营业中

休息中

周四晚冇舞跳，爸爸出咗去开会，靓靓妈咪又唔想煮饭，所以同哥哥就揸咗入跑马地去家中最喜爱的粥粉面店「正斗粥面专家」度医肚。由于实在太有信心，所以都冇刻意影相，谂住求奇喺面书甫几张就算。哈，点知小店食物水准大跌watt数，小肥真系煎熬咗几日先决定要喺度同大家汇报现况。白灼牛肉拼猪润（$112）：白灼猪润唔够肥厚，咬落又老又干又嚡，白灼牛肉一样过熟偏嚡，完全唔掂当！炸两（$46）：炸两个肠粉外皮够软滑，无奈中间条油炸鬼一啲都唔脆，入口又腍又韧，出哂事！炆牛根腩（$98）：牛腩好嚡，啲根就好硬，仲要两味均只属和暖，热力欠奉，如果大肥爸爸喺度一定发哂颠。肥肥家族不时都会帮衬o既「正斗粥面专家」环境冇变，新旧服务生态度依然良好，无奈厨房未能保持食物质素，除咗啲粥叫做正常啲之外，其他食开o既菜式都唔及以前咁正，衷心希望餐店可检讨一吓。