正宗上海生煎皇 (已結業)

之前岩岩新开张有帮衬过，直至依家都几年了，仲开左好多分店！每次见到咁多人，又唔系坐得好舒服，好迫咖，都唔系好想入去。但今日真系真系好想食小笼包同生煎包，所以再等一下啦！入到去朋友想食东坡肉菜饭，个饭唔热，啲饭系劲硬，我哋仲以为系生米。啲肥猪肉系多肥少肉，完全唔入味，好睇到佢系一旧煮完切，都正常既，但完全无味，同豉油煮腩肉差不多。小笼包四粒，穿左一粒，本身都无乜汤，穿左就唔使讲啦！无晒汤，肉唔多汁。收口位又硬，好似生面粉未熟透既感觉。生煎包咁多人食都唔热，仲有啲硬皮既感觉，油到爆，又无汁。我系未入座前，仲俾左$50做会员，好即刻后悔左。