葵勝記

营业中

休息中

回家途中突然落起大雨，便同家人到了附近的葵胜记食碗粉避下雨。好一阵冇嚟，发觉而家多咗酸辣粉同唔少饭类，食品选择多咗㖞。哈哈，第一次咁认真望餐牌，平时坐低都系叫碗牛杂粉、云吞面等，既然见佢多咗嘢食，咁就拣下食咩好先。⭐五香崩沙腩饭家人叫咗个崩沙腩饭，卖相都唔错㖞，牛腩有几件肥几件瘦，炆得软腍入味，个汁都好香口，捞饭一流呀。⭐蚝仔肉碎汤饭自己叫咗个蚝仔汤饭，一大碗上，即叫即煮个汤热辣辣，饮落鲜甜有咸香味，仲大啲胡椒嘅辣味，蚝仔细细只肥嘟嘟，只只都鲜甜，饭嘅份量仲唔少添，一碗十分饱肚。⭐腐乳通菜见近排少食菜加返份腐乳通先，腐乳酱点通菜真系好好味㗎。⭐冻柠宾最后仲整返一人一杯冻柠宾，酸酸甜甜喺呢个又湿又热嘅天气真系啱晒饮😋食饱饱开始细雨啦，拿拿林埋个单行返屋企先。