爽意咖啡屋 (已結業)

4月16日, 是夜游走在湾仔天乐里口, 正研究紧食乜好嘅时候发现呢度新开咗间西餐小馆~ 环境装修都光猛企理, 但就有d似茶餐厅… 胜在入面无乜人, 既然唔洗等位, 见佢d dinner set又ok, 就入去试下新野啦!::: 鲜茄野菌杂菜意大利粉 + 冻柠茶 ::: $58餐前送上面包条两支, 感觉好似自家制, 面粉味比较淡, 但都颇香脆, 点汤食唔错!前菜唔洗二选一, 螺丝粉沙律同青豆蓉餐汤一同奉上~ 青豆蓉汤都几浓稠, 入口啖啖豆蓉, 不过味道就咸咗d. 沙律不错, 螺丝粉弹牙, 蔬菜新鲜, 又唔会过多酱汁, 几好!意粉虽然全斋, 但露笋、野菌份量丰富, 尤其欣赏鲜茄酱汁, 味道够天然浓郁, 意粉又索到汁, 好味得嚟唔腻, 满足了!冻柠茶不过不失~ ok 啦.::: 香蒜蚬肉忌廉扁意粉 + 冻奶茶::: $64整个意粉都好有香蒜味, 仲几香添~ 蚬肉份量够, 仲食到少少香甜味~ 仲有青椒红椒咁, 都几清新~ 意粉绝对唔系烚到淋pat pat𠮶只, 炒完都仲keep到弹牙感~ 整体成个意粉几好食, 虽然茶餐厅格局, 但系甚至比一d西餐仲好食~冻奶茶用上西红茶, 而又系自己落奶, 所