犇殿台灣火鍋 (德福廣場1期)

营业中

休息中

Item: 犇殿台灣火鍋 (德福廣場1期)
Rating: 3
Author: 背脊向天都食（除左车）

Taiwan Bussan Hotpot (Telford Plaza 1)

229 食记

味道

环境

服务

卫生

抵食

10709

九龙湾

$201-400

台湾菜火锅

132

背脊向天都食（除左车）

等级2

先讲左结论先，系我最伏的一间台式火锅，伏到我要开新一个帐号去比负评。早几日，系网上睇到九龙湾德福广场有间新开的台式火锅，就打算去试试，但又惊夜晚多人，所以就系下午时段试下。咁讲下有咩特点喇:1)打电话想Book位，线路繁忙。2)1点左右去到拎位，要等40个号码，但有得上网睇番现时排到几多号。3)2点50分入到去，先同我地讲唔会食足90分钟，因为4点要清场，无事前同我地讲。4)本身好期待有夜市小食，点知去到想叫，佢话晚餐先有，出便个牌我睇唔到有讲过晚餐先有，可能我无留意到喇。5)位置方面比较阔落，算系坐得舒服。6)侍应既态度好似欠左佢咁，黑口黑面。野食方面:1)配料大约要既都齐2)野饮系台湾罐装饮品无特别。3)丸就十款左右都无特别一般般无惊喜。4)有肉燥饭，但太甜，伏野黎。5)汤底，我就叫左酸菜白肉同麻辣锅，酸菜个个料少，有阵膻味，试左一次就无再食；麻辣锅就唔辣唔麻，要点自己辣椒先有味，似系落粉整出黎既锅多。6)牛肉就系今次主打，叫左澳洲和牛M7餐，任叫，肉质系几好，有牛味，但因为个锅底本身差，哂左块牛。7)本身见有Haagen-Dazs所以任食无仿，点知去到无，可能晚市先有，得番d杂牌

先讲左结论先，系我最伏的一间台式火锅，伏到我要开新一个帐号去比负评。
早几日，系网上睇到九龙湾德福广场有间新开的台式火锅，就打算去试试，但又惊夜晚多人，所以就系下午时段试下。

咁讲下有咩特点喇:

1)打电话想Book位，线路繁忙。
2)1点左右去到拎位，要等40个号码，但有得上网睇番现时排到几多号。
3)2点50分入到去，先同我地讲唔会食足90分钟，因为4点要清场，无事前同我地讲。
4)本身好期待有夜市小食，点知去到想叫，佢话晚餐先有，出便个牌我睇唔到有讲过晚餐先有，可能我无留意到喇。
5)位置方面比较阔落，算系坐得舒服。
6)侍应既态度好似欠左佢咁，黑口黑面。

野食方面:
1)配料大约要既都齐
2)野饮系台湾罐装饮品无特别。
3)丸就十款左右都无特别一般般无惊喜。
4)有肉燥饭，但太甜，伏野黎。
5)汤底，我就叫左酸菜白肉同麻辣锅，酸菜个个料少，有阵膻味，试左一次就无再食；麻辣锅就唔辣唔麻，要点自己辣椒先有味，似系落粉整出黎既锅多。
6)牛肉就系今次主打，叫左澳洲和牛M7餐，任叫，肉质系几好，有牛味，但因为个锅底本身差，哂左块牛。
7)本身见有Haagen-Dazs所以任食无仿，点知去到无，可能晚市先有，得番d杂牌雪糕，拎左个港式奶茶雪糕，雪得太耐所以口感变哂应该系二次雪藏所以改左个口感，好似食紧碎冷咁，个味就真心差到食唔出奶茶味。

总体黎讲，平就算平，200几一个人食到咁既牛肉质数系唔差，但佢好多细节位都好伏，中午无小食又唔讲清楚，雪糕又伏，最接受唔到个汤头咁差，用水灼都仲好食
过佢个汤头，对于一间新开既餐厅系完全不能接受，一句讲哂，唔洗试，等差唔多2个钟试d咁既野，不如去食个牛腩河好过。