Explorer Fusion Restaurant (已結業)

TL;DR 如非拣无可拣，真系唔好去。Lunchtime时间去, 人比较多但系都仲有一张空台, 因为少人所以佢一入黎就问我可唔可以搭台，跟住我话要谂下，之后即刻说话都无讲就转头走咗⋯之后我地入咗去，安排我地坐最入边既corner，张台同隔离既食客拍得好紧，基本上坐低就会掂到隔离台，咁我地就移开张台少少因为真系连攞起餐具都会撞到隔离既距离。跟住，waitress 直接过黎张我地既台好大力咁拍返埋，问都无问过，黑面到好似得罪佢全家。之后问点解，佢话政府要求有social distancing，你咁样拍埋就系唔得。系啰，你都知要有距离，你又唔做好防疫措施？起码隔块板都好呀，文具店买几蚊都悭。态度差都咁，连问佢攞水，佢竟然指住隔离台既水叫我地share⋯后来我地坚持，佢地至俾另一樽水咪我地。食物味道就更精彩⋯牛肉丼同砂纸无分别，同埋系完全干身。其实无论系咩店，可唔可以俾返少少尊重？咁样至可以互相支持行落去。