影片
港铁石门站 C 出口, 步行约3分钟
继续阅读
开饭介绍
This is a western and Japanese fusion restaurant. Except for the Wagyu burger, slow-cooked Australia Wagyu and spaghetti, they are also offering hand-Pressed sushi, sashimi and even original size of sashimi.
继续阅读
营业时间
星期一至日
12:00 - 00:00
以上资料只供参考，请与餐厅确认详情
食家推介
听人讲呢间嘢几好食，但只做到月尾，就专程去支持吓。真系估唔到咁就自投罗网，亲身体会到呢间野点解会执。叫咗个火炙五色丼($88)，店员问跟唔跟餐（加$20），见睇个餐牌又面豉汤，又茶碗蒸，又小食又饮品都叫唔错就加啦。结果攞嘅时候茶碗蒸又冇，小食又冇，走返去问个店员佢就好理直气壮咁话茶碗蒸太热外卖俾唔到你，个小食都好莫名其妙咁顺便无埋。佢哋又识玩啊，明知外卖加$20得碗面豉汤同支嘢饮仔都唔会出声，问跟唔跟餐时唔会主动讲外卖唔包茶碗蒸同小食，就算问佢跟餐有乜嘅时候都只会答面豉汤饮品𠮶啲，等人自然以为其他都跟，提都唔会提茶碗蒸又冇小食又冇。到攞餐发现乜都冇嘅时候问个店员佢先讲所谓加二十跟餐就系得碗面豉汤同埋支嘢饮，其余乜都冇，你买嘅时候冇了解清楚就系你问题。个店员熟练嘅应对应该都唔系第一次，应该就系睇死啲客唔会追究个廿鸡。最好笑嘅系茶碗蒸又冇俾，小食又冇俾，但外卖盒就收足你三个嘅价钱。真系连𠮶一蚊都要贪到尽。个饭味道就正正常常，不过成肚气食乜都冇心情。真系唔知系就执所以咁唔老实，定系咁唔老实所以先要执。不过如果之前嘅经营手法都系咁唔老实嘅话都真系难怪冇回头客，俾你呃到人一次当你叻啦，但你觉得有客会中过一次招之后仲帮衬你第二次？为咗赚多个十几二十，搞到自己个名臭晒，值得咩？
继续阅读
石门一直都系沙田区嘅街坊饭堂，出名多小店价钱又亲民。但如果你星期六日想去食个lunch度度都人山人海，同普遍餐厅都偏迫同坐位偏窄…今日试咗间几chill既日式+西式餐厅出面睇同第一眼好西式酒bar feel，但里面又有啲日系摆设同电视播下MV，比起石门其他地方食到赶头赶命都几舒服。座位好阔，好有个人空间。午餐餐牌好简单，一页系日本菜，一页系西餐。我叫左西班牙黑毛豚肉扒8oz配薯条，意粉 （$88）+$20西式套餐第一眼见到最特别系薯条同意粉一齐上唔驶拣。意粉系普通意粉但有落足蒜炒仲有啲蒜片系上面ok。薯条即炸，本人几钟意食连皮既薯条觉得几好食。黑毛猪偏薄，但有两块（影相影得唔好）同keep到里面刚熟唔干身。+餐部分无牛角包转做炸洋葱圈，饮品有乌龙茶同汽水拣，还有一个汤及沙律，$20也算便宜。如果你在石门想有个小天地自己静静地食个饭，依间餐厅大推
继续阅读
今日晏昼去咗石门有间特别餐厅，有西式日式好多唔同选择，我同朋友一齐嚟食晏，我就嗌咗 explorer丰盛丼，上菜简直系娃娃声，好多唔同嘅刺身，好真系好丰盛，有大虾海胆蟹膏三文鱼带子蟹肉，真系太好了，全部海鲜都好新鲜，海胆特别甜美朋友就嗌咗烧三文鱼丼，一样咁出色，唔系全熟所以三文鱼口感都好好，唔系太肥腻另外再叫多咗个天妇罗小食，炸得刚刚好，新鲜滚热辣好满足嘅一个午餐 下次可以试下佢啲西餐， 相信一样咁有特色 👍
继续阅读
出晒名的小店，一直冇机会试。 屋企人一直都话好贵，咁我见我一个人又有下午茶，入去！都好多嘢拣，仲可以跟餐汤加$20。 我拣左个最平的卡邦尼意粉$58。舖头当时一个人都冇，而家香港地做生意真系好艰难。½嚟到。我哗一声 ，$58 食到呢个质素，净系睇啲巴马臣芝士碎都够晒正，材料都唔算多，净系烟肉同洋葱🧅，但系够晒味，意粉煮得啱啱好！唔会太林唔会太韧，个汁又唔会好杰，又香！见佢仲有鱼生饭可以叫，真系乜野都有！
继续阅读
今晚约咗屋企人来到石门这间餐厅食晚饭，虽然餐牌上有日式和西式食品，但今天我们全部选了西式食品这个日式油醋牛油果刺身，份量挺大的，三文鱼和牛油果尚算新鲜，油醋味道可口，令人开胃这个澳洲肉眼牛扒，牛味挺重的，薯条亦很好味这个烟三文鱼薯片杂菜炒意粉，是三个意粉中味道最正常的卡邦尼意粉味道太咸第一次食薯蓉粉，口感很特别，感觉挺新鲜的😛墨西哥脆片，脆片本身没有味道，要连同酱料一齐食，是佐酒的好菜式总括而言，食物味道不过不失，但餐厅环境有待改善，我们整个用餐时间都不太感觉到冷气，在夏天这个季节，大大降低了我们(用餐者)的用餐体验
继续阅读