影片
更多
2024-02-09
1489 浏览
重游旧地，好耐冇嚟呢度食粥面，入到去以前的两位伯伯已经唔喺度。现在的所谓老板娘，态度嚣张，不可一世咁，所谓臭坑出臭草，连啲伙计都一样。坐低谂住叫碗牛腩面再叫碗粥食，可能觉得我净系叫碗牛腩面帮衬少，连单都冇帮我落(当时一啲唔忙，加埋我得三，四个客)，等咗好耐唔对路，见隔离枱入客叫埋嘢食，嘢食都落埋枱。我就问个楼面阿婶有冇帮我落碗牛腩面？但佢冇出声只怒啤我，好似想闹我咁，面档师傅啱啱行过听到就即刻整返碗面俾我。阿婶！你漏单，我问声啫，仲要凶我？当然已经冇晒mood，嗱嗱声食完就走，粥都唔想食，出门口俾钱，个老板娘找钱时仲要拧歪面多谢都冇声...真系贴钱买难受...俾钱受佢气！请都唔会再去！食物方面，牛腩仲食得吓，但已经冇以前两个伯伯做嘅咁入味
现在的所谓老板娘，态度嚣张，不可一世咁，所谓臭坑出臭草，连啲伙计都一样。
坐低谂住叫碗牛腩面再叫碗粥食，可能觉得我净系叫碗牛腩面帮衬少，连单都冇帮我落(当时一啲唔忙，加埋我得三，四个客)，等咗好耐唔对路，见隔离枱入客叫埋嘢食，嘢食都落埋枱。我就问个楼面阿婶有冇帮我落碗牛腩面？但佢冇出声只怒啤我，好似想闹我咁，面档师傅啱啱行过听到就即刻整返碗面俾我。阿婶！你漏单，我问声啫，仲要凶我？
当然已经冇晒mood，嗱嗱声食完就走，粥都唔想食，出门口俾钱，个老板娘找钱时仲要拧歪面多谢都冇声...真系贴钱买难受...俾钱受佢气！请都唔会再去！
食物方面，牛腩仲食得吓，但已经冇以前两个伯伯做嘅咁入味
张贴