一杯屋 (已結業)

见OpenRice上面啲人都有写话上菜上得慢，但冇谂过慢嘅程度系每二十分钟一道𩠌。8点钟入座10点钟就已经要走，基本丄无可能食得晒，嚟咗两三碟嘢已经last order...八点钟第一round叫嘅鳗鱼饭，最终9:30先到，侍应解释话因为条鳗鱼要烧，但系好明显系来货跟住翻热𠮶种...饭仲要系硬嘅又唔热，完全唔知想点。之后又有一碟系烧牛小排，嚟到真系呆咗，成碟基本上得肥膏。侍应仲竟然解释话𠮶啲系筋，食落会有口感？！虽然之后有换过碟新嘅嚟，但其实真系唔系特别好食。仲有嗌其他串烧同埋蟹盖，全部都好咸，份量又细，价钱又贵。埋单人均三百几蚊，食完好似冇食过嘢一样， 成晚就系坐喺度两个钟挨肚饿同埋疯狂吹佢单。果到成间餐厅嘅客全部都系等嘢食等到炆憎，厨房唔够人就唔好接咁多台客，简直系贴钱买难受，贴钱俾我去食我都唔会再去食。从来未试过去间餐厅系会食得咁无奈同辛苦。