影片
更多
2020-03-21
717 浏览
当日我同朋友俩人打算4点几去食个tea，结果行到过去，员工就话佢地落紧场未够钟开，但亦冇同我地讲几点会开返。之后我地上网睇，唔见佢个网有写落场时间，只见6点开始有得book位，咁就估佢系开6点。6点零钟返到去，好快就坐低咗（室内位）。间餐厅嘅装修系几靓，同埋佢亦好多文宣，不过就略嫌比较逼同细，同网上show出嚟嘅有差别。原本朋友想食all day breakfast, 结果店员话冇得食，已经有啲无奈，呢碟咁普遍嘅菜式我都系第一次听到cafe话冇得卖。同朋友每人叫咗个意粉，等嘅时间好短，但上菜时，卖相唔系特别好，同埋份量真系好细。谂住佢味道好的话都仲值得，但一试，真系非常之普通嘅意粉，仲要有点硬，啲𩠌亦好普通好少。我同朋友𠮶碟都系唔好食，仲要每碟都成$160，真心唔值。另外，餐厅店员嘅服务态度真系有好大改善空间！坐低后一直觉得店员冇乜理顾客感受。我同朋友饮完水，从未试过主动帮我地加水，每次都系要我地叫到先识加。但当时大约4-5个店员（未计厨房）都只系大部分时间系度倾计，更加见到有一个系出咗去坐低食烟，令我地觉得感觉不太被尊重。食完意粉，店员极速收咗我地嘅碟，加水又唔见佢地咁主动.....
6点零钟返到去，好快就坐低咗（室内位）。
间餐厅嘅装修系几靓，同埋佢亦好多文宣，不过就略嫌比较逼同细，同网上show出嚟嘅有差别。
原本朋友想食all day breakfast, 结果店员话冇得食，已经有啲无奈，呢碟咁普遍嘅菜式我都系第一次听到cafe话冇得卖。同朋友每人叫咗个意粉，等嘅时间好短，但上菜时，卖相唔系特别好，同埋份量真系好细。谂住佢味道好的话都仲值得，但一试，真系非常之普通嘅意粉，仲要有点硬，啲𩠌亦好普通好少。我同朋友𠮶碟都系唔好食，仲要每碟都成$160，真心唔值。
另外，餐厅店员嘅服务态度真系有好大改善空间！坐低后一直觉得店员冇乜理顾客感受。我同朋友饮完水，从未试过主动帮我地加水，每次都系要我地叫到先识加。但当时大约4-5个店员（未计厨房）都只系大部分时间系度倾计，更加见到有一个系出咗去坐低食烟，令我地觉得感觉不太被尊重。
食完意粉，店员极速收咗我地嘅碟，加水又唔见佢地咁主动...... 呢点真系好失望，呢间舖头凭咩要收客人加一服务费？ 以咁嘅价钱，出面真系食到质素好好多服务又好好多嘅食店
我地最庆幸系我地冇叫嘢饮，唔洗经历几重失望😞 嚟食之前，已经听到有朋友话呢间唔好，只系我地仍然想试下，因为见佢都几多好评。
希望大家唔好再比网上宣传手法呃咗去食呢间嘢。一间好嘅食肆要有回头客，首先要识尊重顾客，同埋要好好改善食物水准！ 希望呢间店舖会作出改善！
张贴