爵士拉麵

营业中

休息中

Ｄ食物水准完全对唔住个价钱。今日叫左个招牌（我谂系挂)「爵士拉面」黎试下，未食野竟然要先埋买，我当下以为我食紧快餐店。当个拉面上枱时，我心知不妙，一D香味都闻唔到，而且有一种好Cheap 既感觉。叉烧：又干又硬又薄，一D肥都冇，加上食落一阵雪藏味道，我心谂系边间冻肉铺头买又或者唔知整好几耐之后一直摆左系个雪柜度。拉面：本身就系用D cheap 公仔面，食落成口碱水味一Ｄ都唔开胃。紫菜：细细块（好似一细包四洲紫菜既份量）又劲咸，而且碗面一上枱，就已经成块浸晒系Ｄ汤度，一D口感都食唔出。蟹柳：好假最Cheap果款。。其他配料用料都系好求其，完全体现唔出有咩特色。除左成碗野都系熟之外，一D好既点都揾唔到。环境又黑又细，Ｄ位又窄又逼，服务态度又唔好。总而言之成间野系联和墟依区度算得上系下游之中既下游，而且区内仲有其他更好既野食而且仲平过佢好多。拉面如果可以比我拣多次都系出番出面食好过。不可一不过再。