Caffe Milani (時代廣場) (已結業)

行到攰想揾间cafe坐低饮杯野⋯见有位就谂住试下，结果中哂伏。我地先去门口叫饮品⋯叫左3杯⋯1杯热美式⋯1杯热mocha⋯1杯冻特浓朱古力⋯ 跟住个职员问我朱古力要咩size⋯我话要细杯⋯跟住我地就坐低等。饮品黎到⋯杯冻朱古力黎错左热朱古力⋯咁我就同职员讲⋯我叫左冻朱古力㖞⋯跟住个职员就叫左counter负责帮我地落单既职员过黎。佢一过黎就同我讲：我地冻饮系无size分⋯得一个size。 当刻我心谂［咁你头先又问我？］跟住我问佢： 咁我而家可唔可以加钱换杯冻既？ 佢同我讲：一系我比杯冰你？ 当刻我即刻黑面心谂⋯咁杯朱古力咪无味啰⋯我就同佢讲⋯算啦⋯我唔想饮杯无味既朱古力。饮完之后既总结就系⋯我觉得呢间cafe员工劲无诚意⋯同埋饮品质素好差⋯咖啡系无咖啡味⋯得个苦字⋯热朱古力都淡而无味。