影片
更多
2018-01-25
5260 浏览
因为朋友就黎结婚，要出黎倾下婚礼流程，一行人又唔想食中菜(虽则酒楼唔会限时食赶人)，去CAFÉ系好似好有悠闲FEEL咁不过又要定时点野食/饮品先可以坐得耐，唯一谂到就系打任食边(因为通常两个钟任食都够坐同够食)。地点配合番大家方便，拣左荃湾区食，食任食野当然要闪去大鸿辉成幢任君选择，可能系平日关系，大堂等电梯人流唔算好多，排左5分钟已搭到上去。而系等电梯既短短时间，最后转軚去食韩烧，食下香口野。上到去场唔算爆，坐满约8成左右(其时约7点)，我地被安排坐近窗边望到街景，一坐底成班人都当遑不让冲左去自助区起势咁夹野埋位烧。呢间汉和其实之前都食过3、4次，觉得几好座(当然，食得韩烧D衫同头发要预左吸一身油烟味)，野食选择都颇多，同埋有熟食，埋位未烧好之前，首当要扲熟食充下饥。熟食选择有饭、炒面、炸物(如鸡翼薯条煎堆之类既大路野)、有菜、秋刀鱼，仲有两三样款既日式款料理；呢D都系味道普通，反而有样真系不得不推就系佢既猪脚姜，好入味好香，每次黎都会忍唔会食番一碗(酒楼店属于特点类)，猪手/脚煲得好入味吸晒香醋，口感系我钟意食既化骨绵掌程度，猪手皮有点弹牙，每只猪手/脚都斩好细细件， 方便食客，唔
地点配合番大家方便，拣左荃湾区食，食任食野当然要闪去大鸿辉成幢任君选择，可能系平日关系，大堂等电梯人流唔算好多，排左5分钟已搭到上去。而系等电梯既短短时间，最后转軚去食韩烧，食下香口野。
上到去场唔算爆，坐满约8成左右(其时约7点)，我地被安排坐近窗边望到街景，一坐底成班人都当遑不让冲左去自助区起势咁夹野埋位烧。呢间汉和其实之前都食过3、4次，觉得几好座(当然，食得韩烧D衫同头发要预左吸一身油烟味)，野食选择都颇多，同埋有熟食，埋位未烧好之前，首当要扲熟食充下饥。熟食选择有饭、炒面、炸物(如鸡翼薯条煎堆之类既大路野)、有菜、秋刀鱼，仲有两三样款既日式款料理；呢D都系味道普通，反而有样真系不得不推就系佢既猪脚姜，好入味好香，每次黎都会忍唔会食番一碗(酒楼店属于特点类)，猪手/脚煲得好入味吸晒香醋，口感系我钟意食既化骨绵掌程度，猪手皮有点弹牙，每只猪手/脚都斩好细细件， 方便食客，唔会大大件食济或者食到成个咀都系围住醋，不错不错。
熟食间唔时都会有蚬搬出来的(属不定时食物，唔系成晚都会供应)，不过就要争分夺秒留意住同掌握先机冲出去罗(排前面果个一次过”不”走两三碗就可能剩番啲蚬壳架喇)，因为属秒杀食物，转头就被清空。
另外仲有一样都必推既系三文鱼鱼生，呢个供应得好密，因为多人夹(但放心因为供应得密所以一定夹到同好新鲜，包保食到你唔食为止)，每次行出去自助区夹都夹成碟，三文鱼切得几厚身，食个够本。
56 浏览
0 赞好
0 留言
食韩烧黎唔开都系比个炉你夹野烧来烧去果几味(自助区都几有为数18样野选择:有鸡翼、肠、羊肉、牛肉、猪肉、鱿鱼、章鱼须、洋葱、餐肉等)，系汉和食牢烧极推最爱烧三宝，分别系烧牛肋骨、牛肉同埋冬菇。
烧牛肋骨真系无得输，唔知佢咩解究可以腌得咁入味，烧紧果味已香到不得了，咬落去好JUICY同真系每口都食到牛肉汁，好惹味令人会系咁烧呀烧，我几次黎都系烧佢为主(其实系为佢而黎)，一流。
烧牛肉都不错，不过食法会用生菜包住(系佢个生菜区有个酱橙色的仲有蒜块)，连埋一齐夹住黎食，你幻想下韩剧啲阿猪妈食野个样果种滋味就是了。呢个食法不错架。
仲有冬菇，冬菇系自助区夹起时唔系干身的，系浸过水等佢身淋D易烧，又系一烧啲烟冒起超香，必食。全晚都只集中攻三宝，大满足。
食完基本上都个肚都好爆，无咩点食甜品(见到有牛奶布甸、JELLY、牛奶公司雪糕、凉粉)，不过实在已任食无极限到一个点，已无法再往肚里塞。
仲有一提，唔知果晚系咪平日关系，一直坐都未系爆场满晒，所以我地一行人食野时间其实超过两小时都无赶人走，足足坐左2个半钟倾婚礼既野。
感觉自在，不错喔，任食野其实味道来去都系咁上下，不过志在一班人食野既气氛开心、坐得舒服轻松自在，所以先会回头翻兜。
张贴
