101 Binary

营业中

休息中

喺天后按完摩后觉得肚饿就喺附近兜吓拉嘢食，见到一间好工业Feel嘅餐厅就望多两眼，再埋去睇吓佢哋餐牌发现系Cafe，见到咁有特式就入去试吓。坐低后职员就介绍餐厅嘅是日推介，蒜片辣椒白酒大蚬意粉，另外点咗南瓜汤、101小食拼盘同埋香煎脆皮香茅鸡扒配薯蓉、扒杂菜。南瓜汤浓浓南瓜味，入口仲有南瓜粒，够香浓。101小食拼盘有多款食物，包括：烟三文鱼、巴拿马火腿配哈蜜瓜、芝士波、鸡锤、大虾、薯条、沙律菜。蒜片辣椒白酒大蚬意粉估唔到D蚬真系好大只，而且味道仲好鲜甜；而意粉充满蒜香味之余仲辣辣哋好嘢味，果然无介绍错！香煎脆皮香茅鸡扒配薯蓉、扒杂菜嘅鸡扒外皮香脆，肉质嫩滑好多肉汁。最后食埋个饭后甜品Tiramisu，云呢拿雪糕配上吉拿棒再淋上即磨咖啡，好好味。