FAB Kitchen (已結業)

朋友介绍呢间餐厅，我同老婆两个放假就过黎帮衬下，果然好得！唔系朋友介绍都唔识揾到黎呢度。Lunch set 价位多数百几蚊左右，有沙律或汤、餐包、主食、甜品同饮品。西餐厅正路价钱，但走法式路线就超值！餐包仲热烘松软！烟鸭胸阿根廷青酱沙律，配上脆片，口味清新独特。而另一款有机牛油南瓜栗子沙律，好香滑，沙律醋同新鲜软滑嘅南瓜非常匹配，咀嚼嘅时候间中食到栗子肉，口感层次又丰富左。主菜意式牛肝菌 半圆云吞配忌廉汁，非常香滑嘅忌廉汁令云吞sir一声就滑入口中，忌廉味之后系好香牛肝菌味，呢个菜贯切意式云吞比较结实，外型优雅。呢个煎盲𫚧鱼配大蒜薯仔烤饼煎得非常好味，只系用少少盐等调味，皮香肉鲜味；烤饼非常有心思，虽则只系薯仔烤饼，但大蒜同调味烤起黎，烤饼配角都变主角。咁法式嘅lunch，餐饮当然要叫西茶啦。姜蜜茶同埋蓝莓芝士蛋糕就perfect match。用茶壶奉上，老婆话好似浅尝一个小小下午茶。