影片
更多
2011-07-09
167 浏览
4月15日, 今晚嚟到大坑, 大街越来越多食肆, 有各样中西亚洲菜, 又有平又有贵~ 经过一间泰菜馆, 睇睇下个名咁熟, 原来系喺天后我地一直都想试𠮶间, 后来执咗, 原来搬咗嚟呢度~ 价钱都几大众化, 择日不如撞日, 就试一试~::: 泰式炒金边粉 ::: $35富有泰式风味, 伴碟以花生碎、芽菜、青柠加辣椒碎, 俾我地自己捞~ 炒出嚟嘅金边粉都算香嘅, 有少少酸味, 但系味道唔系好够, 蛋同豆干可以吊起d味, 虾呢用上虾仁但唔够鲜, 弹牙感有但系味道偏淡… 唔知系咪平时食得味精多, 呢d淡淡地嘅炒金边粉先系正宗?::: 串烧 (半打) ::: $48半打串烧有猪同鸡, 配上橙橙黄黄嘅沙嗲汁, 似辣油多过沙嗲... d串烧无论颜色味道, 猪同鸡都一样, 只有烧烤味而冇肉质应有嘅味道, 应该系冷藏过耐所致… 除咗食落质地有唔同, 鸡肉比猪肉嫩少少~ 点咗沙嗲汁都有番d沙嗲味, 比卖相好少少. 整体真系好普通…::: 泰式炒什菜 ::: $38泰式炒什菜都真系几杂下… 有芥兰、椰菜、番茄、洋葱、豆角、蘑菇等. 大部份嘅菜都新鲜, 炒得爽脆~ 但味道比较家常, 无乜泰式风味, 而且劲多油…
::: 泰式炒金边粉 ::: $35
富有泰式风味, 伴碟以花生碎、芽菜、青柠加辣椒碎, 俾我地自己捞~ 炒出嚟嘅金边粉都算香嘅, 有少少酸味, 但系味道唔系好够, 蛋同豆干可以吊起d味, 虾呢用上虾仁但唔够鲜, 弹牙感有但系味道偏淡… 唔知系咪平时食得味精多, 呢d淡淡地嘅炒金边粉先系正宗?
::: 串烧 (半打) ::: $48
半打串烧有猪同鸡, 配上橙橙黄黄嘅沙嗲汁, 似辣油多过沙嗲... d串烧无论颜色味道, 猪同鸡都一样, 只有烧烤味而冇肉质应有嘅味道, 应该系冷藏过耐所致… 除咗食落质地有唔同, 鸡肉比猪肉嫩少少~ 点咗沙嗲汁都有番d沙嗲味, 比卖相好少少. 整体真系好普通…
::: 泰式炒什菜 ::: $38
泰式炒什菜都真系几杂下… 有芥兰、椰菜、番茄、洋葱、豆角、蘑菇等. 大部份嘅菜都新鲜, 炒得爽脆~ 但味道比较家常, 无乜泰式风味, 而且劲多油… 作为一个蔬菜类真系太油太唔健康喇!
::: 青柠梳打 ::: $12
青柠梳打系唯一真系好赞, 就系佢嘅梳打唔系只用梳打水, 系用有少少似七喜酸酸地嘅有气柠汁~ 其他地方多数用淡而冇味嘅梳打水, 只靠一片青柠根本唔会带出任何味道~ 所以呢度青柠梳打啱口味, 就算似青柠七都系咁话~
可能佢地嘅泰菜都系属于正宗, 味道唔太啱我地口味, 试完一次都有d失望… 可幸地方都算企理, 服务态度都ok~ 但系如果再拣, 隔离仲有间平价泰菜好味d~
张贴
