NAM NAM VIETNAMESE CUISINE

营业中

休息中

同家人行新商场试嘅第一餐，四个人叫咗五个𩠌再加饮品，饮品非常一般。叫咗蒜蓉炒芥兰，品质可以嘅.鸡丝檬粉，鸡丝有啲干。咖喱鸡，有椰香味都可以。最差系虾木瓜沙律，非常咸，味道单一冇层次。跟住最失望系椰青煮蚬，呢个系冷盘，冻食。唔知系我自己睇漏啊定系菜单设计系冷盘。就当佢系冻食啦，屋企人一人试食咗一只，都话唔好食，前后食咗三四只，跟住第五只打开，入面全部都系泥，好恐怖。即刻冇晒胃口。作为一家提供食物的餐厅，呢个系非常大嘅错失。跟住有个侍应见到，想叫佢嘅时候佢就扮睇唔到，然后等咗一阵我哋叫另外一个侍应，然后佢讲咗声唔好意思就走开咗。咁样嘅处理手法真系训练未够。餐厅开业准备唔够，座位太窄，隔篱枱走人要推开隔篱枱先可以有空间俾佢走，地板非常滑，四人枱两张枱唔平，枱凳与地面之间非常滑，一郁少少就会好跣。筷子系圆嘅，冇提供筷子架，即使你放喺碗上面对筷子会滑走，我哋坐低咗一阵已经有两台客，因为漏单或者其他问题走咗。呢间餐厅我谂都系一试无回头。好彩最后都有个人主动走过来或取消椰青煮蚬呢个𩠌。