The Point (已結業)

登龙街以前系有日本拉面街之称,黎到铜锣湾, 当然黎登龙街行一转, 睇下有咩好野食啦!最近, 发现多左一间意大利PIZZA 餐厅，远望好似一间玻璃屋，门面几濶, 个名系The Point，主打各款薄饼, 而且价钱有贵有平, 于是入去试试 ! 见到枱枱都叫左唔同pizza, 所以事不而迟, 就选左香蒜辣椒白酒煮大蚬, 红酒烩牛勒肉配蚬壳粉同埋原只龙虾薄饼 ~~ 原只龙虾薄饼Pizza卖相已经好吸引啦! 每块pizza都有新鲜龙蟹肉, Pizza薄批底，又足料又热辣辣又多芝士, 整体味好好！红酒烩牛勒肉配蚬壳粉红酒味不浓, 和牛肉质不错, 再加上最喜欢的蚬壳粉, 份量相对细碟, 觉得有D唔够 香蒜辣椒白酒煮大蚬香香白酒，有D酒香，再加好新鲜又香喷喷大蚬,有小小辣，好好味呀 ! 最后, 再加一个甜品~~ Banana Heaven Pizza烤香蕉, 棉花糖朱古力酱&云呢拿雪糕