影片
更多
2014-05-03
4290 浏览
今日–约左宝贝食午饭~佢提议到呢间新开冇耐的舖头试新野,听闻讲呢到好爆,所以要早两日订位!!去到一坐底,餐牌同餐汤一齐上枱,我担心佢比错枱就同服务员讲我未点菜,点知佢同我讲话: 我地系会比左餐汤先,我再同佢讲,我的朋友未到,可唔可以迟少少先,佢居然好似听唔到咁就走左去(唉..咁都得…)餐汤同我一齐等朋友!等左十五分钟,乜都冻晒了..南瓜忌廉汤加一条脆饼干 – 特纯南瓜忌廉汤,虽然凉左,感觉仍然唔错,南瓜肉感觉刻恴唔会打得太烂,仲食到粒粒口感,, 脆饼干一般产品,我以为一个人有两条,点知原来系每人一条~!好在冇偷食~蟹盖海鲜天使面 – 卖相相当唔错,可能上枱太慢,入口已经唔热,汁料系啖啖的香草忌廉汁配合爽口的天使面~非常唔错~有蟹肉棒,虾肉粒同青口肉,相当精致,份量的话一般的OL可以应付到,但系男人点的话怕且会食唔饱~!西冷扒意粉 – 卖相同出品都比较一般, 西冷扒唔见得特别厚切或重牛肉味,更加唔需要问客人要几多成熟~意粉方面都OK,至少唔会话煮得太淋, 配左个好特别的酱汁,食左都唔知系乜野味~总佑知系湿湿地易入口了.加钱可以有甜品同饮品~~木糠布丁 – 服务员话系餐厅师夫自己做, 我地
听闻讲呢到好爆,所以要早两日订位!!
去到一坐底,餐牌同餐汤一齐上枱,我担心佢比错枱就同服务员讲我未点菜,
点知佢同我讲话: 我地系会比左餐汤先,
我再同佢讲,我的朋友未到,可唔可以迟少少先,佢居然好似听唔到咁就走左去(唉..咁都得…)
餐汤同我一齐等朋友!等左十五分钟,乜都冻晒了..
南瓜忌廉汤加一条脆饼干 – 特纯南瓜忌廉汤,虽然凉左,感觉仍然唔错,南瓜肉感觉刻恴唔会打得太烂,仲食到粒粒口感,, 脆饼干一般产品,我以为一个人有两条,点知原来系每人一条~!好在冇偷食~
蟹盖海鲜天使面 – 卖相相当唔错,可能上枱太慢,入口已经唔热,汁料系啖啖的香草忌廉汁配合爽口的天使面~非常唔错~有蟹肉棒,虾肉粒同青口肉,相当精致,
份量的话一般的OL可以应付到,但系男人点的话怕且会食唔饱~!
西冷扒意粉 – 卖相同出品都比较一般, 西冷扒唔见得特别厚切或重牛肉味,更加唔需要问客人要几多成熟~意粉方面都OK,至少唔会话煮得太淋, 配左个好特别的酱汁,食左都唔知系乜野味~总佑知系湿湿地易入口了.
加钱可以有甜品同饮品~~
木糠布丁 – 服务员话系餐厅师夫自己做, 我地就点黎试下,食落去的感觉好似OL姐姐比钱出去学一堂半堂的成品,CREAM的比例较多,食唔出佢一层层的木糠口感, 同埋唔够冻,唉~
柠檬芝士蛋糕 – 服务台话呢个系来货品,我地都试一试.,佢系用消化饼粹做饼底,可能唔系咁够牛油,所以好易烂, 柠檬芝士感觉唔错~入口可食到两者的味道,唔会互抢
我点左杯热柠水,冇得弹LA!!至少柠檬唔会苦,尚算新鲜,宝贝点左杯热LATTA咖啡,我地谂佢的份量系8:2咖啡比牛奶,饮到宝贝身心口都甜晒~佢仲要唔知咁甜就加左半包糖,我见到都觉得会血糖高~!
唔知系咪我地对新餐厅要求高左D,又或者系见佢想行高档的格局,所以多左少少期望,嗯…
但愿未来日子, 真心的佢地可以有所进步~~!!
题外话/补充资料：
习惯我比预期早左约二十分钟左右去到,
餐厅唔算好大,有室内同室外,仲有一间间左做品酒区的独立房,感觉雅致,
时间尚早,餐厅已经坐左好多人,望入去机乎可以摆枱的方都已经摆晒枱,
枱同枱之间除左行人通道之外,就放唔到一只杯子,迫到不得了~
对我呢个米芝连人,真系寸步难行,冇耐服务员同我登记,
之后带左我去一个室外的位,我同佢讲我地唔食烟,佢好似听唔到咁冇理到就照带我去,
安置左我去个角落位,仲要摄埋去先坐到~唉… …..
冇耐~我地最担心的事终于发生~ 就系隔离枱黎左三位高当的客人,佢地一坐底就一起抽起烟来…
哎呀呀~由于我同宝贝都唔系烟民,所以真系顶唔顺,得到宝贝的同意,就静静揾服务员过来倾两句
点知服务员隔著三四步的距离(主要因为地方太迫,以佢行唔到埋黎,)老远咁问有乜野可以帮到我地,
我地就唯有好客气咁做左个吸烟的动作再同佢讲想调一调枱,点知佢话冇位可调
我地再同佢讲叫佢谂下办法, 佢就好似听唔到咁走左去
我地再揾第二个感觉高级D的男服务员再要求多次,点知佢的反应就望下望下又走左去..
冇几耐仲上埋食品,好明显系根本冇人跟进过我地的要求,我同宝贝真系觉得好不满
一开始已经话唔想坐室外,就怕会阻住有需要的人揾食
到之后再三要求,就得到呢D回应,呢D算系乜野态度呢~
结论系: 我地一定唔系佢地的VIP ,所以唔够资格提出任何要求啰!!
(以上食记乃用户个人意见 , 并不代表OpenRice之观点。)
张贴
