影片
更多
2013-09-24
422 浏览
对上一次帮衬，系本月3日，适逄我两公婆14周年纪念，所以老远去大角咀- 呢个我地第一个同居既地区食饭庆祝。其实当日既食后感都系一般，只系闻倒隔离既意粉好香，而呢度又有自选既车仔意粉，觉得好得意咁，所以打算俾多次机会佢嚟试一次。就系今日... 今日放早唔知食乜好既时候，我地就决定再嚟呢度开餐了！结果系点... 咪就系冇下次啰！先讲上次，店员介绍什么期间限定牛肋骨，好像8安士定10安士，我见唔算贵，$238左右，所以咪试下啰！跟住点左个食评大部份都有提到既蜜汁咸猪手，继而点我至钟意既香蕉甜品(好似系香蕉挞)。由于见食评个个都赞咁滞，我超期待。牛肋骨先来，一件小长方形，望落去都几得意，因为好少见系咁present，我order五成熟，一切开，确实好够生... 嫩红色... 亦因为佢带生，所以相对难切，食落去一般，牛味唔算浓。跟住到蜜汁猪手，我可能一心谂住佢系德国咸猪手咁，皮脆香口，但佢系腍既，似俾你食佢既骨胶原咁... 冇咁钟意。食完主菜，甜品雪糕拼香蕉挞上枱了，入座时同店员讲我地周年纪念，佢话原来喺甜品写字需要早一日通知，所以最后佢安排喺我地个甜品度点蜡烛，几有心思。不过甜品味道又系一般，
先讲上次，店员介绍什么期间限定牛肋骨，好像8安士定10安士，我见唔算贵，$238左右，所以咪试下啰！跟住点左个食评大部份都有提到既蜜汁咸猪手，继而点我至钟意既香蕉甜品(好似系香蕉挞)。由于见食评个个都赞咁滞，我超期待。
牛肋骨先来，一件小长方形，望落去都几得意，因为好少见系咁present，我order五成熟，一切开，确实好够生... 嫩红色... 亦因为佢带生，所以相对难切，食落去一般，牛味唔算浓。跟住到蜜汁猪手，我可能一心谂住佢系德国咸猪手咁，皮脆香口，但佢系腍既，似俾你食佢既骨胶原咁... 冇咁钟意。食完主菜，甜品雪糕拼香蕉挞上枱了，入座时同店员讲我地周年纪念，佢话原来喺甜品写字需要早一日通知，所以最后佢安排喺我地个甜品度点蜡烛，几有心思。不过甜品味道又系一般，个挞其实好像 Apple Crumble咁太松...散散地咁...
今晚点菜时，虽然店员又嚟厨师推介什么澳洲西冷，又系$238，根据上述经验，我地认为佢啲扒一般，所以坚持点车仔意粉，同埋点一份 Set Dinner。车仔意粉顾名思义，好似车仔面咁由拣面底﹑汤(呢度系汁)﹑配料都系由自己配搭。意粉+汁+1配料 为$58，另外再加则逐样计钱。意粉底包括扁意粉﹑长通粉﹑意粉﹑墨汁面等。汁有蕃茄﹑橄榄油﹑香草忌廉汁﹑卡邦尼汁﹑龙虾汁(要加$10)等。免费配料系芝士(Mozzarella/ Parmesan)同埋唔记得左... 跟住就系要加钱既配料，大路如火腿﹑烟肉等加$7，较特别既如辣肉肠﹑巴马火腿﹑香草猪肉肠等就加$14。我地最后点左卡邦尼汁芝士烟肉巴马火腿香草猪肉肠扁意粉。
Set Dinner就点了有齐牛扒﹑猪扒﹑羊架同司华力肠既杂扒餐。其实我唔预佢系靓野，但我见有羊架，真系好少有，$138咋，有汤有餐饮，好似好抵，所以就点这个了。汤系周打蚬汤，跟一片好薄既蒜蓉包，老公话个汤好淡，冇味，蒜容包系好味既，但真系太薄，食风咁！饮完汤店员就上主菜。两者卖相都唔错既，只系味道真系一般。猪牛羊云集既高级茶记杂扒，除左羊架有佢应有既口感(羊燥味及带咬劲既肉质)外，牛同猪都系用松肉粉丧腌，腍吱吱又冇肉味。配菜又系冇味，真系得个样。意粉真系煮得好靓，但食落去扁意粉过腍﹑汁太稀，冇芝士味，好彩点既配料够重口味，否则成碟粉真系淡茂茂！
食主菜之前，老公见隔离枱个梳乎厘焗得好靓，于是跟风点了一客，可惜上桌时我们的梳乎厘发得唔靓，有点挞皮既向侧下垂，犹幸味道尚可，好香橙味！不过超劲蛋白味既不是我杯茶。
店员其实有礼，不过一见你食完一味就帮你收起啲碟，好似好赶咁，其实又冇人等...唔知点解咁心急...不过点都好，我谂我唔会再等登嚟帮衬佢啦！再好味啲既大有店在！
张贴
