幸福週末 (已結業)

喺京华睇完医生，落楼感觉天气闷热，下雨天总是又焗又闷，心想不如买杯嘢解解渴。本来系想饮隔离间珍珠奶茶，但见到人龙已却步。反而呢间嘢好安静，唔使等嘅诱惑，都系解渴而已，水果茶应该冇伏啦？！佢嘅历史都略知一二，不过估唔到家下变得咁冷清。拣咗个非热门饮品，西柚柠檬果茶，大大片西柚，冇花冇假，味道酸酸甜甜，茶味不太浓，刚好入口的茶香，味道几好。不过，个份量太细，未够解暑。其实杯嘢饮唔错，啲员工仲好礼貌，好好笑容，希望会keep到水准，坚持做落去。如果，大热天时，有得拣大杯饮定细杯饮，就更加好啦。